Posted by വെള്ളം ദാഹം, തൊണ്ട വറ്റി വരണ്ട അവസ്ഥയിൽ സൈറക്ക് പതിയെ എഴുന്നേൽക്കേണ്ടി വന്നു…… ഒപ്പം ഉള്ള തല വെട്ടി പൊളിയുന്ന വേദനയും…..
കൈകൾ കൊണ്ട് കണ്ണ് കൂട്ടി തിരുമ്മി അവൾ കണ്ണ് തുറന്ന് പതിയെ എഴുന്നേറ്റിരുന്നപ്പോൾ കണ്ടത്, തന്റെ വലതു വശത്തായി തലയണികൾ നിരത്തി വച്ച് ബാരിക്കേട് ഉണ്ടാക്കി മറ്റേ അറ്റത്ത് ആയി കിടന്നുറങ്ങുന്ന ഹരിയെ ആണ്.
അവന്റെ ദേഹത്ത് അടക്കം വാള് വച്ചത് ഓർത്ത് അവൾ പല്ല് കടിച്ച് മുഖം ചുളിച്ചു കൊണ്ട് ഓർത്തു തുടങ്ങി…….
അവൻ പൊക്കി എടുത്ത് തന്നേ കൊണ്ട് വന്ന് കിടത്തിയത് മുതൽ, രാത്രിയിൽ പലപ്പോഴായി ശർദിക്കുമ്പോൾ തന്നേ ചെരിച്ചു കിടത്തി, ബാത്റൂമിലെ ബക്കറ്റിലേക്ക് തന്നേ ശർദിക്കാൻ സഹായിച്ചതും, ശർദിക്കുമ്പോൾ പുറം ഉഴിഞ്ഞു തന്നതും, തന്നേ കൊണ്ട് വെള്ളം കുടിപ്പിച്ചതും മുഖം തുടച്ചു തന്നതും, ഒപ്പം ” ഒന്നുല്ല….. ഒന്നുല്ല മാം…. ഒരു കുഴപ്പവും ഇല്ല “… എന്ന് പറഞ്ഞു തനിക്ക് കൂട്ടിരുന്ന നിമിഷങ്ങൾ ചെറുതായി മങ്ങിയ വെളിച്ചതോടെ ഓർമയിൽ ഓടിയെത്തി…
സൈറ പതിയെ കുറച്ച് അങ്ങോട്ടേക്ക് നീങ്ങി, ഒരു ചെറു പുഞ്ചിരിയോടെ അവന്റെ മുടിയിഴകൾ ഒന്ന് തഴുകി, അവൾ പതിയെ കുനിഞ്ഞു കൊണ്ട്, അവന്റെ കവിളിൽ, പതിയെ, വളരെ പതിയെ ഒരു മുത്തം വച്ചു……
ഉമ്മ കിട്ടിയതും, ഉറക്കത്തിൽ ആണെങ്കിൽ കൂടെ നല്ലൊരു ക്യൂട്ട് പുഞ്ചിരി അവന്റെ മുഖത്തു വിരിഞ്ഞത് കണ്ട് സൈറ അതിശയിച്ചു .
അവൾക്ക് ഒരുമ്മ കൂടെ വക്കാൻ തോന്നി എങ്കിലും അവൾ അടക്കി പിടിച്ചു കൊണ്ട് കട്ടിലിൽ നിന്നും എഴുന്നേറ്റു……..