Posted by
രാത്രികൾ മാത്രം ആയിരുന്നില്ല, ചില സമയം പകലുകളും സൈറ സുരഭിയുടെ ശീൽക്കാരാ ശബ്ദങ്ങൾ കേൾക്കാറുണ്ടായിരുന്നു ഫാത്തിമ.
ഫാത്തിമ മനസ്സിൽ പല കുറി ചോദിച്ചിട്ടുണ്ട് ” എന്നും ഇതെങ്ങനെ സാധിക്കുന്നു…..ഇത് തന്നേ ആണോ ഇവർക്ക് പണി “..
പാതി രാത്രി കതക് മാറി തട്ടി പ്രശ്നം ഉണ്ടാക്കിയ ഒരുത്തൻ കാരണം, ഫാത്തിമ ആ സത്യം, അല്ലെങ്കിൽ ഭർത്താവ് അറിഞ്ഞിട്ടും അവളിൽ നിന്നും ഒളിപ്പിച്ചു വച്ച സത്യം അറിയുന്നത്………
ദിവസവും ഉള്ള സുരഭിയുടെ സുഖ ശബ്ദത്തിന്റെ യഥാർത്ഥ കാരണം, ഭർത്താവ് മാത്രം ആയിരുന്നില്ല മറിച്ച് ഓരോ ദിവസവും ഓരോ ആളുകൾ, അല്ലെങ്കിൽ പല പല ആളുകൾ ആയിരുന്നു എന്നുള്ളത്……….
അത് പോരാതെ, ഈ ചേരിയിൽ അങ്ങിനെ കുറേ ആളുകൾ ജീവിക്കുന്നുണ്ട് എന്ന അറിവ്, അത് വരെ തോന്നാത്ത, അറപ്പും വെറുപ്പും ഫാത്തിമക്ക് തോന്നി തുടങ്ങി അവിടെ…
എല്ലാം ഫാത്തിമ അറിഞ്ഞു എന്ന് മനസ്സിലാക്കിയ, അല്ലെങ്കിൽ ഫാത്തിമ തന്നേ വെറുപ്പോടെ ആണ് കാണുന്നത് എന്ന് മനസ്സിലാക്കിയ സുരഭി, ഫാത്തിമയുടെ കണ്മുന്നിൽ ചെന്ന് പെടാതിരിക്കാൻ പരമാവധി ശ്രമിച്ചു.
പക്ഷെ, സുരഭിക്ക്… സുരഭി എന്ന പെണ്ണിന് ആവുമായിരുന്നില്ല അത്. കാരണം, ആറ് മാസം ഗർഭിണി ആയ, തന്റെ അയൽവസിയുടെ വീട്ടിൽ നിന്ന്, ഒരു പാത്രം വീഴുന്ന ശബ്ദം കേട്ടാൽ പോലും, സുരഭി വന്ന് എത്തി നോക്കി, എല്ലാം ഓകെ അല്ലെ, ഫാത്തിമക്ക് കുഴപ്പം ഒന്നും ഇല്ലല്ലോ എന്ന വ്യാധിയോടെ…
തന്നേ മനസ്സ് കൊണ്ട് അത്രക്ക് ഇഷ്ടപ്പെടുന്ന, ഒരു അനിയത്തിയെ പോലെ സ്നേഹിക്കുന്ന സുരഭിയുടെ സ്നേഹം, ഫാത്തിമക്ക് കണ്ടില്ലെന്ന് നടിക്കാൻ ആയില്ല അധിക നാൾ.