Posted by
“ഫീസ് കൂടുതലാണെന്ന നിന്റെ ഊഹം ശെരിയാ.” ഷാഹിദ ചിരിച്ചു. “നമുക്ക് ഒരാഴ്ചത്തെ ഡ്യുറേഷൻ മതിയെങ്കില് ഒരു കുട്ടിക്ക് 4,000 രൂപയാണ് ഫീസ്. 15 ദിവസത്തേക്ക് 7,800 രൂപയും, പിന്നെ ഒരു മാസത്തേക്ക് 15,000 ആണ് ഫീസ്. ഞായറാഴ്ച മാത്രം അവധി. ഞങ്ങൾ 15 ദിവസത്തെ എജുകേഷൻ ആണ് സെലക്ട് ചെയ്തത്.”
“ഭൂരിപക്ഷം 15 ദിവസമാണ് സെലക്ട് ചെയ്യുന്നതെന്ന് അറിയാൻ കഴിഞ്ഞു. അത്രയും ദിവസം കൊണ്ട് കുട്ടികള്ക്ക് ഒരുപാട് കാര്യങ്ങൾ പഠിക്കാൻ കഴിയുമെന്നും, കുട്ടികൾ അതൊന്നും ഒരിക്കലും മറക്കുകയുമില്ല എന്ന ഗ്യാരണ്ടി പോലും കിട്ടി. കൂടാതെ ആ കുട്ടികൾ പിന്നീട് പഠിക്കാനും, സ്പോര്ട്സും, ഗെയിംസിലും എല്ലാം നല്ല ശ്രദ്ധയും, ഉത്സാഹവും കാണിക്കുന്നുണ്ട് എന്നാണ് അവർ നടത്തിയ പഠനത്തിൽ നിന്നും മനസ്സിലാക്കിയത് പോലും. കൂടാതെ കുട്ടികൾ വളരെ ആക്ടിവ് ആയിരിക്കും എന്ന ഉറപ്പും തന്നിട്ടുണ്ട്.”
“അങ്ങനെയാണെങ്കില് കുട്ടികൾ അവിടെ പോകുന്നത് തന്നെയാ നല്ലത്.” എന്റെ അഭിപ്രായം ഞാൻ പറഞ്ഞു.
അതുകഴിഞ്ഞ് ഞങ്ങളുടെ ചര്ച്ചാ വിഷയം മാറി. അല്ലറചില്ലറ കാര്യങ്ങൾ സംസാരിച്ചു കൊണ്ട് ഞങ്ങൾ അഞ്ചുപേരും ഹാളില് ചെന്നിരുന്നു.
ഹാളില് എത്തിയതും ഞങ്ങളുടെ സംസാരം വളരെ ഗൗരവമായ ചർച്ചകളിലേക്ക് തിരിഞ്ഞു. ഉച്ചവരെ സമയം പോയതു പോലും അറിഞ്ഞില്ല.
ഉച്ചക്ക് അവരുടെ ഭർത്താക്കന്മാർ തിരികെ എത്തി ഇവര്ക്ക് കോൾ ചെയ്തപ്പോഴാണ് ചർച്ചകൾ മതിയാക്കി അവർ പോകാൻ തയാറായത്.