Posted by
സെലിന് ഒരു നിമിഷം ആലോചിച്ചു.
“ശരി…”
സെലിന് അവളെ നോക്കി പുഞ്ചിരിച്ചു.
ആ പുഞ്ചിരിയുടെ മനോഹാരിതയിലേക്ക് അവളൊന്ന് നോക്കി.
എന്നിട്ട് തല കുലുക്കി.
സെലിന് പുഞ്ചിരിച്ചു.
“എന്തൊരു ലുക്ക് ആണ് അവര്ക്ക്…!!”
ആ സ്ത്രീ മന്ത്രിച്ചു.
നിരുന്മേഷത്തോടെ, നിറ കണ്ണുകളോടെ, സെലിന് വീട്ടിലേക്ക് സ്കൂട്ടര് ഓടിച്ചു.
“എന്റെ ക്രിസ്റ്റി, എവിടെയാ നീ?”
കണ്ണുകള് തുടച്ചു കൊണ്ട് അവള് സ്വയം ചോദിച്ചു.
വീട്ടിലെത്തി അവള് കിടക്കയിലേക്ക് വീണു. കമിഴ്ന്നു കിടന്ന് പൊട്ടിക്കരഞ്ഞു. പെട്ടെന്ന് എന്തോ ഓര്മ്മയില് എഴുന്നേറ്റു.
ഫോണ് എടുത്തു.
കോണ്റ്റാക്റ്റ് ലിസ്റ്റില് നിന്നും ക്രിസ്റ്റിയുടെ നമ്പര് എടുത്ത് ഡയല് ചെയ്തു.
“താങ്കള് വിളിക്കാന് ശ്രമിക്കുന്ന ആള് പരിധിക്ക് പുറത്താണ്. ദയവായി വീണ്ടും ശ്രമിക്കുക…”
അവളുടെ കാതുകളെ പൊള്ളിച്ചുകൊണ്ട് ഫോണില് നിന്നും അറിയിപ്പ് വന്നു.
വൈകുന്നേരം ഡാനി സ്കൂള് കഴിഞ്ഞു വന്നപ്പോള് സെലിനെ കണ്ട് അദ്ഭുതപ്പെട്ടു.
“എന്ത് കോലവാ മമ്മീ ഇത്? എന്നാ പറ്റീത്?”
അവന് ബാഗ് മേശമേല് വെച്ച് അവളുടെ അടുത്തേക്ക് ഓടിവന്നു.
നെറ്റിയിലും കൈയ്യിലും പിടിച്ചു നോക്കി.
“ടെംമ്പറേച്ചര് ഒക്കെ നോര്മ്മല് ആണല്ലോ? പിന്നെന്നാ?”
അവന് ആകാംക്ഷയോടെ അവളെ നോക്കി.
“ഒന്നൂല്ല മോനെ…ചെറിയ ഒരു തലവേദന…അത് മാറി…”
അവന് നെറ്റി ചുളിച്ച് സെലിനെ നോക്കി.