Posted by “ഇന്നാടാ കണ്ണാ ..”
ആ ഗ്ലാസ് എനിക്ക് നേരെ നീട്ടികൊണ്ട് അവര് തിണ്ണയിലേക്കിരുന്നു . ഞാൻ അത് വാങ്ങിക്കൊണ്ട് ആദിയെ നോക്കി . അവൻ ഹേമന്റിയുടെ മടിയിൽ ഇരുന്നു ചുറ്റും കണ്ണോടിക്കുന്നുണ്ട് .
“നിനക്കു വേണോടാ ?”
ഞാൻ ഗ്ലാസ് അവനെ കാണിച്ചുകൊണ്ട് ചിരിച്ചു .
“അവനു ഞാൻ ടേസ്റ്റ് നോക്കാൻ സ്വല്പം കൊടുത്തു .തണുപ്പായതുകൊണ്ട് അധികം കൊടുത്തില്ല ”
ഹേമാന്റി ചിരിച്ചുകൊണ്ട് അവന്റെ തലയിൽ തഴുകി . വെള്ളമൊക്കെ കുടിച്ചു സ്വല്പ നേരം കൂടി മായേച്ചിയുമായും ഹേമാന്റിയുമായും സംസാരിച്ചിരുന്ന ശേഷം ഞാൻ യാത്ര പറഞ്ഞു ഇറങ്ങി .
ഉച്ചയോടടുപ്പിച്ച നേരത്താണ് പിന്നെ ഞാൻ കയറിച്ചെല്ലുന്നത് . ഞാൻ ചെല്ലുമ്പോൾ പണിയൊക്കെ കഴിഞ്ഞു മഞ്ജുസ് ആൻസർ പേപ്പർ നോക്കുകയായിരുന്നു . റോസിമോളെ എന്റെ അമ്മച്ചി എടുത്തു അപ്പുറത്തെ വീട്ടിൽ എവിടെയോ പോയിരിക്കുവാണ്.
ഉമ്മറത്തെ കസേരയിൽ ഇരുന്നു , ടീപ്പോയിൽ ഉത്തരക്കടലാസിൽ കെട്ടിൽ നിന്ന് ഓരോന്നായി എടുത്തു അവള് സസൂക്ഷ്മം വിലയിരുത്തി മാർക്ക് ഇടുന്നുണ്ട് . പേനയുടെ മുകളറ്റം കടിച്ചു പിടിച്ചുകൊണ്ട് പിള്ളേര് എഴുതി പിടിപ്പിച്ചത് അവള് പല ഭാവത്തോടെ നോക്കുന്നുണ്ട്. ഇടക്കു ചിരിയും ദേഷ്യവും സംതൃപ്തിയുമെല്ലാം ആ മുഖത്ത് വിടരുന്നുണ്ട് .
ബൈക്കിന്റെ ശബ്ദം കേട്ടതോടെ അവളെന്നെ മുഖം ഉയര്ത്തിയൊന്നു നോക്കി . കയ്യിലുണ്ടായിരുന്ന പെന കടിച്ചു പിടിച്ചുകൊണ്ട് അവളെന്നെയും ആദിയെയും മാറിമാറി നോക്കി .
“എന്തുവാ പരിപാടി ?”
ഞാൻ അവനെയും എടുത്തുകൊണ്ട് ബൈക്കിൽ നിന്നിറങ്ങവേ അവളോടായി തിരക്കി .
“കണ്ടൂടെ …”
അവള് അതിനു ഒഴുക്കൻ മട്ടിൽ ഒരു മറുപടി നൽകി .
“ഓഹോ…മിസ് ചൂടിൽ ആണല്ലോ..”
അവളുടെ മറുപടി കേട്ട് ഞാൻ പയ്യെ ചിരിച്ചു ,പിന്നെ ഉമ്മറത്തേക്ക് കയറി ആദിയെയും മടിയിലിരുത്തികൊണ്ട് തിണ്ണയിലേക്ക് കയറി ഇരുന്നു .
“പേപ്പർ നോക്കാ?”
കുനിഞ്ഞിരുന്നു ആൻസർ ഷീറ്റ് വിലയിരുത്തുന്ന അവളോടായി ഞാൻ പയ്യെ ചോദിച്ചു .
“അല്ല ഊണ് കഴിക്ക്യാ …”
അതിനു മുഖം ഉയർത്താതെ തന്നെ അവളൊരു തഗ് അടിച്ചു .
“ഹോ…ഭയങ്കരം തന്നെ …”