Posted by
പെട്ടെന്നാണ് ബെഡ്ഡിൽ ഇരുന്ന ഫോൺ ഒന്ന് പ്രകമ്പനം കൊണ്ടത്. ആ നിശബ്ദതയിൽ ആ ശബ്ദം അവളെ ഒന്ന് ഞെട്ടിച്ചു. അമ്മ ഉണരാതെ അവൾ വേഗം ഫോൺ എടുത്തു നോക്കി. സ്ക്രീനിൽ തെളിഞ്ഞ ആ പേര് കണ്ടപ്പോൾ അവളുടെ ഹൃദയമിടിപ്പ് ഒന്ന് കൂടി.
അർജുൻ.
അവൾ വേഗം മെസ്സേജ് തുറന്നു വായിച്ചു:
“Change of plans… ഞാൻ അടുത്ത ആഴ്ച വരും. ഒരു ഏഴെട്ട് ദിവസം കൂടെ. പിന്നെ, നാളെ നിനക്കൊരു പാക്കേജ് വരും വീട്ടിലേക്ക്. എന്റെ വക ഒരു ചെറിയ ഗിഫ്റ്റ് ആണ്. ബാക്കി നമുക്ക് നേരിൽ കാണുമ്പോൾ…”
അമൃതയുടെ ശ്വാസം ഒന്ന് തടഞ്ഞു. അർജുൻ വരുന്നു! . പക്ഷേ അവളെ അതിനേക്കാൾ ആകാംക്ഷയിലാക്കിയത് അവൻ അയക്കുന്ന ആ പാക്കേജ് ആയിരുന്നു. എന്തായിരിക്കും അവൻ അയച്ചിട്ടുണ്ടാവുക?
അവൾ ഫോൺ നെഞ്ചോട് ചേർത്ത് വച്ചു. അർജുന്റെ ആ മെസ്സേജ് വായിച്ചപ്പോൾ അതുവരെ ഉണ്ടായിരുന്ന സങ്കടവും ദേഷ്യവും പതുക്കെ അലിഞ്ഞു ഇല്ലാതാകുന്നത് പോലെ അവൾക്ക് തോന്നി. അവന്റെ ആ ആജ്ഞാപിത സ്വരം പോലും അവൾ ഇപ്പോൾ ഇഷ്ടപ്പെട്ടു തുടങ്ങിയിരുന്നു.
മുകളിലെ മുറിയിൽ വിനു ആറാടുകയായിരുന്നു. താഴെ, അമൃതയുടെ ഉള്ളിൽ മറ്റൊരു കൊടുങ്കാറ്റ് വീശാൻ തുടങ്ങിയിരുന്നു. അർജുന്റെ ആ സന്ദേശം അവളിൽ വല്ലാത്തൊരു അസ്വസ്ഥതയും ഒപ്പം അറിയാത്തൊരു ആകാംക്ഷയും നിറച്ചു. അവൻ അയക്കുന്ന ആ പാക്കേജ് എന്തായിരിക്കും? തന്നെ കൂടുതൽ ഉത്തേജിപ്പിക്കാനുള്ള എന്തെങ്കിലും സമ്മാനമായിരിക്കുമോ അത്?
ചിന്തകൾ കാടുകയറിയപ്പോൾ അവൾക്ക് ആ മുറിയിൽ ശ്വാസം മുട്ടുന്നത് പോലെ തോന്നി. അവൾ പതുക്കെ എഴുന്നേറ്റ്, ശബ്ദമുണ്ടാക്കാതെ മുറിക്ക് പുറത്തിറങ്ങി. വീടിന്റെ വശത്തുള്ള ചെറിയ സിറ്റൗട്ടിലേക്ക് അവൾ നടന്നു. അവിടെയുണ്ടായിരുന്ന ആടുന്ന കസേരയിൽ ചെന്നിരുന്നു കൊണ്ട് അവൾ ആ ഇരുട്ടിലേക്ക് നോക്കി.