Posted by
വളരെ തീവ്രമായ, വന്യമായ ഒരു ചുംബനം!
അമൃതയുടെ ഉള്ളിലെ എല്ലാ ദേഷ്യവും വാശിയും ആ ചുംബനത്തിൽ ഉണ്ടായിരുന്നു. അർജുൻ ആദ്യം ഒന്ന് ഞെട്ടിപ്പോയി. അവൻ ഇത് ഒട്ടും പ്രതീക്ഷിച്ചിരുന്നില്ല. പക്ഷേ, അമൃതയുടെ ആ ആവേശത്തിന് മുന്നിൽ അവനും അധികനേരം പിടിച്ചുനിൽക്കാനായില്ല. അവൻ അവളുടെ അരക്കെട്ടിലൂടെ കൈകൾ ചുറ്റി അവളെ തന്നിലേക്ക് ചേർത്തു പിടിച്ചു.
ഹാളിലെ ആ നിശബ്ദതയിൽ അവരുടെ ശ്വാസോച്ഛ്വാസം മാത്രം മുഴങ്ങിക്കൊണ്ടിരുന്നു. അമൃതയ്ക്ക് അവനെ വിട്ടുമാറാൻ തോന്നിയില്ല. തന്നെ വേണ്ടെന്ന് വെച്ച് പോകാൻ ഒരുങ്ങുന്നവനോടുള്ള അവളുടെ പ്രതിഷേധമായിരുന്നു അത്.
അമൃതയുടെ ഉള്ളിലെ ആ പഴയ ‘അമ്മൂസ്’ പൂർണ്ണമായും പുറത്തുചാടിയിരിക്കുകയായിരുന്നു. ആ ചുംബനത്തിന്റെ തീവ്രതയിൽ നിന്ന് അടർന്നുമാറിയെങ്കിലും അവൾ അവനെ വിട്ടില്ല. അവന്റെ ഷർട്ടിലെ കോളറിൽ മുറുകെ പിടിച്ചുകൊണ്ട് അവൾ അവനെ തന്റെ മുഖത്തോട് അടുപ്പിച്ചു. അവളുടെ കണ്ണുകളിൽ ദേഷ്യവും പ്രണയവും തോൽക്കാൻ മനസ്സില്ലാത്ത വാശിയും കലർന്നു നിന്നു.
“പറയടാ…” അവൾ കിതച്ചുകൊണ്ട് ചോദിച്ചു. “നീ തന്നെയല്ലേ എന്നെ വേണമെന്ന് പറഞ്ഞത്? നിന്റെ സ്വന്തമാക്കാൻ നടന്നത് നീയല്ലേ? എന്നിട്ട് ഇപ്പോൾ എന്നെ ഉപേക്ഷിച്ചു പോവുകയാണോ? എന്റെ ഉള്ളിൽ ഉള്ളതൊക്കെ ഉണർത്തിവിട്ടിട്ട്, നിനക്ക് ഞാൻ വഴങ്ങുന്നില്ലെന്ന് കണ്ടപ്പോൾ നീ ഒളിച്ചോടുകയാണോ?”
അർജുൻ ഒന്നും മിണ്ടാതെ അവളുടെ കണ്ണുകളിലേക്ക് തന്നെ നോക്കി നിന്നു. അവന്റെ ആ നിശബ്ദത അവളെ കൂടുതൽ ഭ്രാന്ത് പിടിപ്പിച്ചു. അവൾ വീണ്ടും അവനെ ആഞ്ഞു ചുംബിച്ചു. ഒരു നിമിഷം നീണ്ട ആ വന്യമായ ചുംബനത്തിന് ശേഷം അവൾ അവനെ തള്ളിമാറ്റി.