Posted by “അർജുൻ… ഒന്ന് ഇങ്ങോട്ട് വന്നേ…”
അവൻ പതുക്കെ വാതിൽക്കൽ ചെന്നു. “എന്താ മീരാ?”
“ഇത്… ഈ ടോപ്പെന്ന് പറയുന്ന തുണി കഷണം പിന്നിൽ എനിക്ക് കെട്ടാൻ പറ്റുന്നില്ല. ഒന്ന് കെട്ടിത്തരാമോ?” അവൾ പുറം തിരിഞ്ഞു നിന്നു. അവളുടെ നഗ്നമായ പുറം കണ്ട് അർജുൻ ഒരു നിമിഷം നിന്നുപോയി. പതുക്കെ അവൻ ആ തുണി കഷ്ണങ്ങൾ അവളുടെ ഉടലിന് ചുറ്റും കോർത്ത് പിന്നിൽ ഒരു ഭംഗിയുള്ള കെട്ടിട്ടു കൊടുത്തു. അവന്റെ വിരലുകൾ അവളുടെ നഗ്നമായ പുറത്ത് ഉരസിയപ്പോൾ മീര ഒന്ന് വിറച്ചു.
അപ്പോഴാണ് അർജുന്റെ ഫോൺ ബെല്ലടിച്ചത്. അമ്മയാണ്!
അവൻ പടപടാന്ന് ഓടിച്ചെന്ന് ഫോൺ എടുത്തു. “ഹലോ അമ്മേ…”
“അർജുനെ, ഞങ്ങൾ ഒരു ബന്ധുവീട്ടിൽ കൂടി കയറിയിട്ടേ വരൂ. വരാൻ കുറച്ച് വൈകും കേട്ടോ. പിന്നെ… വാതിൽ അടയ്ക്കാൻ മറക്കരുത്!” അമ്മ ഒരു പ്രത്യേക താളത്തിൽ അത് പറഞ്ഞപ്പോൾ അർജുൻ ശരിക്കും ചമ്മിപ്പോയി.
“ശരി അമ്മേ… ശരി…” അവൻ ഫോൺ വെച്ചു.
അപ്പോഴേക്കും മീര ആ നിറ്റഡ് ഷോർട്ട്സും കളർഫുൾ ടോപ്പും അണിഞ്ഞു പുറത്തേക്ക് വന്നു. അർജുൻ ആവേശത്തോടെ പറഞ്ഞു, “മീരാ, ബംബർ ലോട്ടറി! അമ്മയും അച്ഛനും വരാൻ വൈകും. നമുക്ക് ധൈര്യമായി പറമ്പിൽ പോയി ഫോട്ടോ എടുക്കാം!”
“പറമ്പിലോ? ആരെങ്കിലും കണ്ടാലോ?” അവൾ പരിഭ്രമിച്ചു.
“ഈ ഉച്ചസമയത്ത് ആര് കാണാനാണ്? ആ തെങ്ങിൻ തോപ്പിൽ നമ്മൾ രണ്ട് പേരല്ലാതെ വേറെ ആരുമില്ല. വാ…” അവൻ അവളുടെ കൈപിടിച്ച് പറമ്പിലേക്ക് ഓടി.
തെങ്ങിൻ തടികൾക്കിടയിൽ വെളിച്ചം അരിച്ചിറങ്ങുന്ന ആ മനോഹരമായ ലൊക്കേഷനിൽ അർജുൻ തന്റെ ക്യാമറ കണ്ണുകൾ തുറന്നു.