Posted by
അന്ന് രാത്രിയിൽ ഉറക്കത്തിൽ ശ്യാമ സുന്ദരമായ ഒരു സ്വപ്നം കണ്ടു.
ഒരു വലിയ ഓഡിറ്റോറിയം . അതിൽ ഒരുപാട് പേര് . ആ മാനേജർ സുന്ദരനും ഉണ്ട്. ഒരു വലിയ കല്യാണമണ്ഡപം അതിൽ ചമഞ്ഞൊരുങ്ങി താനും അപ്പു ഏട്ടനും ഇരിക്കുന്നു. രണ്ട് പേരും വളരെ സന്തോഷത്തിൽ ആണ്. അപ്പു ഏട്ടൻ തന്റെ കഴുത്തിൽ താലി കെട്ടാൻ നേരം സുധിയേട്ടാ എന്ന് വിളിച്ചുകൊണ്ട് ഒരു പെണ്ണ് ഓടി വരുന്നു.. അവൾ സുചിത്ര.
പിറ്റേന്ന് സുധി രാവിലെ നേരത്തെ എഴുന്നേറ്റു. വാക്കിങ് സ്റ്റിക്കും കുത്തി നടന്നു ബാത്റൂമിൽ പോയി എല്ലാം കഴിഞ്ഞു വന്നു വെറുതെ കട്ടിലിൽ വന്നു ഇരുന്നു. സുധിക്ക് അവിടെ ഇരിക്കാൻ തോന്നിയില്ല. സുധി താഴേക്ക് നടന്നു. സുധിക്ക് ശ്യാമയെ കാണാൻ കൊതി തോന്നി.
താഴെ എത്തി വാതിലിൽ മുട്ടി വിളിച്ചു. എന്നിട്ടും ആരേയും കാണാത്തത് കൊണ്ട് സുധി വാതിൽ മെല്ലെ തള്ളി നോക്കി. വാതിൽ മലർക്കെ തുറന്നു വന്നു. സുധി അകത്തേക്ക് കയറി ചെറിയ ഒരു ഹാളും രണ്ടു മുറികളും .
സുധി അതിൽ ഒരു മുറിയിൽ കയറി. അത് ശ്യാമയുടെ അമ്മയുടെ മുറി ആയിരുന്നു.
“ആ ഇതാര് അപ്പുവോ..?”
ശ്യാമയുടെ അമ്മ ചോദിച്ചു. കട്ടിലിൽ കിടക്കുകയായിരുന്നു ശ്യാമയുടെ അമ്മ.
സുധി ഒന്ന് ഞെട്ടി. പിന്നെ ചിരിച്ചു.
” ആ അതേ. അപ്പു ആണ്. അമ്മയ്ക്ക് സുഖമാണോ.? ”
“അമ്മയ്ക്ക് എന്ത് സുഖമാണ് മോനെ..? എന്റെ മോള് ഇങ്ങനെ ഒറ്റയ്ക്ക് കഴിയുമ്പോൾ.. ഏത് അമ്മയ്ക്ക് ആണ് സുഖം തോന്നുക..