Posted by
ആ വയസ്സായ ആൾ പറഞ്ഞ വാക്കുകൾ ഒരു മുള്ളുപോലെ എൻ്റെ ഉള്ളിൽ തറച്ചു നിന്നു. ഇന്നലെ രാത്രി ഇവിടെ പാർട്ടി നടന്നെന്നോ? അച്ചു ഇതേക്കുറിച്ച് എന്നോട് ഒന്നും പറഞ്ഞിരുന്നില്ലല്ലോ.
സംശയങ്ങളുടെ ഒരു വലിയ ഭാണ്ഡക്കെട്ടുമായി ഞാൻ മുറിക്കുള്ളിലേക്ക് കയറി കതകടച്ചു.
ഹാളും ബെഡ്റൂമും ഒക്കെ നല്ല വൃത്തിയായി കിടക്കുന്നു. അച്ചു എല്ലാം അടുക്കി ഒതുക്കി വെച്ചിട്ടുണ്ട്. പക്ഷേ, ആ വൃത്തിയിൽ എവിടെയോ ഒരു കൃത്രിമത്വം എനിക്ക് അനുഭവപ്പെട്ടു. എന്തോ ഒന്ന് ഒളിച്ചു വെക്കാൻ ശ്രമിച്ചതുപോലെ.
ഞാൻ നേരെ അടുക്കളയിലേക്ക് നടന്നു. സിങ്കിനടിയിലുള്ള വേസ്റ്റ് ബിൻ തുറന്നു നോക്കിയ എൻ്റെ കണ്ണുകൾ തള്ളിപ്പോയി.
അതിനുള്ളിൽ മൂന്നാല് ബിയർ ബോട്ടിലുകളും സിഗരറ്റ് കുറ്റികളും കിടക്കുന്നു! ആ വയസ്സായ മനുഷ്യൻ പറഞ്ഞത് നൂറു ശതമാനം ശരിയായിരുന്നു. ഞാൻ ഇല്ലാത്തപ്പോൾ അച്ചു ഇവിടെ ആരെയാണ് വിളിച്ചു വരുത്തിയത്?
എൻ്റെ ഉള്ളിൽ ദേഷ്യം ഇരച്ചു കയറി.
യാത്രയുടെ ക്ഷീണവും വിയർപ്പും കാരണം ദേഹം ആകെ ഒട്ടുന്നുണ്ടായിരുന്നു. അച്ചു വരട്ടെ, എന്നിട്ടു വേണം ഇതെല്ലാം ചോദിക്കാൻ എന്ന് ഉറപ്പിച്ച് ഞാൻ കുളിക്കാനായി തയ്യാറെടുത്തു.
ധരിച്ചിരുന്ന വസ്ത്രങ്ങളെല്ലാം അഴിച്ചു മാറ്റി ഒരു ടവൽ മാത്രം ഇടുപ്പിൽ ചുറ്റി. അഴിച്ച തുണികൾ വാഷിംഗ് മെഷീനിലേക്ക് ഇടാനായി ഞാൻ ബാൽക്കണിയിലേക്ക് നടന്നു.
വാഷിംഗ് മെഷീൻ തുറന്നപ്പോൾ അതിൽ നിറയെ തുണികൾ ഇരിക്കുന്നത് കണ്ടു. അച്ചു രാവിലെ തിരക്കിനിടയിൽ അലക്കാൻ ഇട്ടിട്ട് മെഷീൻ ഓൺ ചെയ്യാൻ മറന്നതാകുമെന്ന് എനിക്ക് തോന്നി.