Posted by
അടുത്ത ദിവസം രാവിലെ തന്നെ ഞങ്ങൾ ഒരു ക്യാബ് ബുക്ക് ചെയ്തു. എറണാകുളത്തെ വലിയൊരു മൈതാനത്ത് വെച്ചാണ് ഐഫ ഫിലിം അവാർഡ് നിശ നടക്കുന്നത്. നഗരമാകെ സിനിമയുടെയും ലൈറ്റുകളുടെയും വർണ്ണാഭമായ തിരക്കിലാണ്. അവാർഡ് നടക്കുന്ന സ്ഥലത്തേക്ക് എത്തിയപ്പോൾ തന്നെ വലിയൊരു ആൾക്കൂട്ടവും സെക്യൂരിറ്റി വലയങ്ങളും ഞങ്ങളെ സ്വീകരിച്ചു. റെഡ് കാർപെറ്റിലൂടെ കുറെ സിനിമ താരങ്ങൾ നടന്നുപോകുന്നത് കണ്ടു. ആരെയും പരിചയപ്പെടാനോ സംസാരിക്കാനോ എനിക്ക് വലിയ താല്പര്യമില്ലായിരുന്നു. അച്ചുവിന്റെ ഡാൻസ് കാണുക എന്നതായിരുന്നു എന്റെ ഒരേയൊരു ലക്ഷ്യം.
ഞങ്ങൾ വേഗം ബാക്ക് സ്റ്റേജിലേക്ക് കടന്നു. അവിടെ സിദ്ധാർത്ഥും സൽമാനും ഗൗരിയുമൊക്കെ നേരത്തെ എത്തിയിട്ടുണ്ട്. എല്ലാവരും തിരക്കിലാണ്. പ്രോഗ്രാം തുടങ്ങാൻ ഇനി അര മണിക്കൂർ കൂടി മാത്രം. അച്ചു വേഗം തന്നെ അവളുടെ വേഷം മാറാനായി ഗ്രീൻ റൂമിലേക്ക് പോയി.
കുറച്ചു കഴിഞ്ഞു അച്ചു പുറത്തേക്ക് വന്നപ്പോൾ അവളെ കണ്ടതും എന്റെ നെഞ്ചൊന്നു പിടച്ചു. പണ്ട് uk വെച്ച് കണ്ട ആ പാവം അച്ചുവല്ല ഇപ്പോൾ എന്റെ മുന്നിൽ നിൽക്കുന്നത്. അതീവ ഗ്ലാമറസ്സായ ഒരു ഡാൻസ് വേഷത്തിലാണ് അവൾ.
മുകൾഭാഗത്ത് കറുത്ത നിറത്തിലുള്ള ഒരു സ്ലീവ്ലെസ് ക്രോപ്പ് ടോപ്പ്. അത് ഏതാണ്ട് ഒരു സ്പോർട്സ് ബ്രാ സ്റ്റൈലിലാണ്. അവളുടെ വയറും മിഡ്റിഫ് ഭാഗവും പൂർണ്ണമായും തുറന്നുകാട്ടുന്ന ആ ടോപ്പിന്റെ പുറകുവശം ലളിതമായ ഒരു ഡിസൈനിൽ ഡിസൈൻ ചെയ്തിരിക്കുന്നു.