Posted by
ശേഷം അയ്യർ സാർ ഞങ്ങളെ വീട്ടിനകത്തേക്ക് കൊണ്ട് പോയി, വളരെ ഭംഗിയായി അലങ്കരിച്ച സെന്റ്റർ ഹാളിലെ സോഫയിൽ പല അതിഥികളും തിങ്ങിക്കൂടി ഇരിപ്പുണ്ട്, ഞങ്ങളെ കണ്ടതും ഒരു മധ്യവയസ്കയായ സ്ത്രീ പുഞ്ചിരിച്ചുകൊണ്ട് അടുത്തേക് വന്നു.
ഇത് എന്റെ സഹധർമിണി പാറു,, ഓ,, അല്ല പാർവതി (അയ്യർ സാർ അവരെ എനിക്ക് പരിചയപ്പെടുത്തിത്തന്നു)
എന്റെ കാഴ്ചപ്പാടിൽ അവർ അയ്യർ സാറിനെ അപേക്ഷിച്ചു വളരെ ചെറുപ്പമായിരുന്നു(ഇത് അയാളുടെ രണ്ടാം ഭാര്യയാണെന്ന് പിന്നീടാണ് ഞാൻ അറിഞ്ഞത്).
പാർവ്വതിയമ്മ ചിരിച്ച മുഖത്തോടെ എൻ്റെ അടുക്കലേക്കു വന്നു കയ്യിൽ പിടിച്ചു കൊണ്ട് യാത്രാ വിശേഷവും സുഖ വിവരവും ഒക്കെ അന്വേഷിച്ചു, പിന്നെ മഹിയോട് സമ്മതം ചോദിക്കുന്ന പോലെ പറഞ്ഞു
“ദേ,, പെണ്ണുങ്ങളൊക്കെ പിന്നാമ്പുറത്ത സഭ കൂടിയിരിക്കുന്നെ, ഞാൻ ചിത്ര മോളെ അങ്ങോട്ടു കൊണ്ടുപോവാട്ടോ?,,
മഹിയിൽ നിന്നും മൗന സമ്മതം ലഭിച്ചതും, ഞാൻ അവരുടെ കൂടെ അടുക്കളഭാഗത്തേക്കു പോയി!!
പിന്നാമ്പുറത്ത് എത്തിയ എന്നെ പാർവ്വതിയമ്മ അവരുടെ പ്രായക്കാരുടെ കൂട്ടത്തിലേക്കാണ് കൊണ്ട് പോയത്, അവരുമായി സാധരണ രീതിയിലുള്ള പരിചയപ്പെടൽ കഴിഞ്ഞ ഉടൻ സ്ഥിരം ചോദ്യങ്ങൾ ഉയർന്നു വരാൻ തുടങ്ങി,,
ഇരുപതു വയസ്സിൽ കല്യാണം കഴിഞ്ഞു, ഇപ്പോൾ കല്യാണം കഴിഞ്ഞിട്ടു അഞ്ചു വർഷമായി, ഇത് വരെ കുട്ടികൾ ആയിട്ടില്ല എന്ന് ശരിയായ ക്രമത്തിൽ തന്നേ ഞാൻ അവർക്കു മറുപടിയും കൊടുത്തു,,
ആഹ്,,, അത് പറ,, വെറുതെയല്ല കല്യാണം കഴിഞ്ഞിട്ടു അഞ്ചു വർഷമായിട്ടും, ശരീരം ഇങ്ങനെ ഉടയാതെ നില്കുന്നത്,, ഒന്ന് പെറ്റു കഴിഞ്ഞാൽ എല്ലാം ചാടാനും തൂങ്ങാനും തുടങ്ങും (കൂട്ടത്തിൽ പേര് ഓർക്കാത്ത ഒരു സ്ത്രീയുടെ കമന്റ്റ് ആയിരുന്നു അത്)