ഗൾഫിലെ മാലാഖമാർ 3 [Jon Snow]

“അതൊരു നല്ല കാര്യമല്ലെ കുഞ്ഞെ , നി എത്ര നാളായിട്ട് ആഗ്രഹിക്കുന്നത, അതിനെന്തിന നീ ഇങ്ങിനെ കരയുന്നെ ?”
“പെട്ടെന്ന് വക്കീല് വിളിച്ച് പറഞ്ഞപ്പൊ എൻ്റെ കൈ വിട്ട് പോയി ചേച്ചി ഒരു നിമിഷം ഇഷയെ ഓർത്ത് എനിക്കെന്നോട് തന്നെ വെറുപ്പു തോന്നി, എൻ്റെ കുഞ്ഞ് എന്ത് തെറ്റു ചെയ്തിട്ടാ അതിങ്ങനെ അനുഭവിക്കേണ്ടി വന്നത്. ”
സ്നേഹ ആര്യയെ ചുറ്റിപ്പിടിച്ച് കരഞ്ഞു കൊണ്ടിരുന്നു. എന്താണ് നടക്കുന്നതെന്ന് മനസ്സിലാകാതെ ജെയ്സൺ ആര്യയെ ഉറ്റു നോക്കി.
പറയാം എന്ന രീതിയിൽ അവളവനെ നോക്കി കൈ കാണിച്ചു.
കുറച്ച് നേരം അവരവിടെ ചിലവഴിച്ചു ജെയ്സൻ കാറിൽ നിന്നും സ്നേഹയ്ക്ക് കുടിക്കാനായി വെള്ളം എടുത്തു കൊടുത്തു.
” ഞാൻ നിങ്ങളുടെ മൂട് നശിപ്പിച്ചു അല്ലേ ”
“പോടി അവിടുന്ന് നിയില്ലാതെ എന്ത് മൂട്”
സ്നേഹ ജെയ്സനെ നോക്കി.
“ആഹ് ചെറുതായിട്ട് ”
ജെയ്സൻ സ്നേഹയെ കണ്ണിറുക്കി കാണിച്ചു. അവൾ കയ്യിലിരുന്ന കുപ്പി ദേഷ്യ ഭാവത്തിൽ അവനെ എറിഞ്ഞു കൊണ്ട് ചിരിച്ചു.
“കണക്കായിപ്പോയി ”
അവൾ ചിരിച്ചു കൊണ്ട് കാറിൽ കയറി , കൂടെ ജെയ്സനും ആര്യയും.
“ചേച്ചി ഞാൻ അമ്മൂനെ കൊണ്ടു വരാൻ പോകുവാ ഇനിയും എൻ്റെ മോള് അവൻ്റെ വീട്ടിൽ നിക്കണ്ട , ഇന്ന് ശെരിക്കും സന്തോഷിക്കാനുള്ള ദിവസാണ് , പോകുന്ന വഴിക്ക് ഷോപ്പില് നിർത്തണെ നമ്മുടെ സ്ഥിരം സാധനം വാങ്ങണം എൻ്റേത് ഇവൻ കുടിച്ച് തീർത്തില്ലെ , കള്ളൻ ”
“ആ ….പിന്നല്ല എത്ര നാളായി ഈ ഒരു ദിവസത്തിന് വേണ്ടി കാത്തിരിക്കുന്നു … ഇന്ന് അറുമാതിച്ചില്ലെങ്കിൽ പിന്നെന്ന ”
” എന്നാ പിന്നെ പറപ്പിച്ച് വിട് പാപ്പാ”
കുറച്ച് മുന്നേ കണ്ട സ്നേഹ തന്നെയാണോ ഇതെന്ന രീതിയിൽ ഒരു അമ്പരപ്പോടെ ജെയ്സൻ സ്നേഹയെ നോക്കി.
അവരുടെ കാറ് മുന്നിലെ കുറ്റാക്കൂരിരുട്ടിനെ വകഞ്ഞു മാറ്റി മുന്നേറിക്കൊണ്ടിരുന്നു.
ആര്യയും ജെയ്സനും അവൻ്റെ ജോലിക്കാര്യങ്ങളും മറ്റുമായി സംസാരത്തിൽ മുഴുകി . സ്നേഹ പുറകിൽ ഫോണിൽ നാട്ടിൽ അമ്മയോട് വിശേഷങ്ങൾ പറയുന്ന തിരക്കിലും.
“ഡി എത്തി നി ഐഡി കാർഡ് എടുത്തിട്ടുണ്ടോ ”
“ഇല്ല ചേച്ചീട കയ്യിൽ ഇല്ലേ ”
“ഞാനെടുത്തിട്ടില്ല …. ഇനിയിപ്പൊ എന്തു ചെയ്യും ?”
“എന്ത് ചെയ്യാൻ നമ്മളന്യരൊന്നും അല്ലല്ലൊ പോയെടുക്കുക തന്നെ , ഡാ …… അല്ലേൽ വേണ്ട ഞാനും നീയും ഒരു സൈഡല്ലെ , ചേച്ചിക്ക് ഏതാ വേണ്ടെ , ”
“സ്ഥിരം എടുത്തോ , ഈ കാർഡ് കൊണ്ടൊ പൊക്കോ ”
” ആ ഓക്കെ ”
സ്നേഹ മെല്ലെ കാറ് തുറന്ന് സൂപ്പർ മാർക്കറ്റ് എന്ന് തോനിക്കുന്ന ഒരു ബിൽഡിംഗിലേക്ക് കയറി പോയി , ഇവിടെ എന്താണ് സംഭവിക്കുന്നത് എന്ന മട്ടിൽ ജെയ്സൻ ആര്യയെ നോക്കി.
” അവള് ബിയറ് വാങ്ങാൻ പോയത 😉😉”
” അതിനും മാത്രം എന്താ ഇവിടുപ്പെ നടന്നെ , ഓളെന്തിന കരഞ്ഞെ?”
“അതോ , അതവളുടെ കാലിൽ ഒരു മുള്ള് കൊണ്ടതാ , അറിഞ്ഞോണ്ട് അവളൊരു മുള്ളിൽ ചവിട്ടി വളരെ കഷ്ടപ്പെട്ട് ഇന്നവൾ അതിനെ ഊരി ”
“മനസ്സിലാവുന്ന രീതിക്ക് പറഞ്ഞു തരാവൊ മാഡം “