ഗൾഫിലെ മാലാഖമാർ 3 [Jon Snow]

കേൾക്കുക കൂടി ചെയ്തെ ”
ആര്യയും ജെയ്സനും ആകെ ചമ്മി തിരിഞ്ഞ് സ്നേഹയെ നോക്കി
“എടീ നീ ഉറങ്ങിയില്ലായിരുന്നൊ ഞങ്ങളു കരുതി നല്ല ഉറക്കത്തിലാണെന്ന് , അതാ നിന്നെ വിളിക്കാതെ പോയത് ”
“ആ ഇനിയിപ്പൊ എൻ്റെ ആവശ്യമില്ലല്ലൊ പുതിയ ആൾക്കാരൊക്കെ ആയല്ലൊ ”
ജെയ്സൻ്റെ മുഖം ചെറുതായൊന്ന് വാടിയത് കണ്ട് , ആര്യ സ്നേഹയുടെ തുടയിലൊരു നുള്ള് കൊടുത്തു.
“ആഹ്…. എന്താ ചേച്ചി …”
ആര്യ വണ്ടി സ്റ്റാർട്ടാക്കി മുന്നോട്ടെടുത്തു , കുറച്ചു നേരത്തേക്ക് ആരും ഒന്നും മിണ്ടിയില്ല.
അവർക്ക് സ്നേഹയെ ഫെയ്സ് ചെയ്യാൻ നല്ല ചളിപ്പ് തോന്നി. ആര്യ മെല്ലെ മിററിലൂടെ സ്നേഹയെ നോക്കി.
സ്നേഹ കണ്ണുകളടച്ച് കിടക്കുവാണ് പക്ഷെ അവളുടെ കണ്ണുകളെ വെട്ടിച്ച് മഴത്തുള്ളികൾ പോലെ അവളുടെ കവിളുകളിലൂടെ കണ്ണു നീർ ചാലു വച്ചിറങ്ങുന്നത് കണ്ട് ആര്യ പെട്ടെന്ന് ഇൻഡിക്കേറ്ററിട്ട് വണ്ടി സൈഡാക്കി.
“ഡീ സീരിയസായിട്ട് ഈ ചെറിയ വിഷയത്തിന് കരയുവാണോ , സത്യമായും നി ഉറങ്ങീന്ന് കരുതിയാണ് ഞങ്ങളൊറ്റയ്ക്ക് പോയത് സോറി നി കരയല്ലെ കുഞ്ഞെ ”
സ്നേഹ അതുവരെ അടക്കിപ്പിടിച്ച വികാരങ്ങളുടെ കെട്ടുപൊട്ടി അവൾ പരിസരം മറന്ന് പൊട്ടിക്കരഞ്ഞു, ജെയ്സനും ആര്യയും ആശ്വസിപ്പിക്കാൻ ശ്രമിച്ചുവെങ്കിലും സ്നേഹ കൂടുതൽ സങ്കടക്കയത്തിലേക്ക് മുങ്ങിത്താണു, അത് ആര്യയെയും കുറ്റബോധത്തിൻ്റെ കണ്ണീരണിയിച്ചു.
“എഡീ സോറി ഞാൻ കരുതിയില്ല നി ഇതൊക്കെ ഇത്ര സീരിയസ് ആയി എടുക്കുമെന്ന്”
” അതല്ല ചേ…..ചേച്ചി. നാട്ടീന്ന്……. നാട്ടീന്ന് വക്കീല് വിളിച്ചിരുന്നു ”
സ്നേഹയുടെ കരച്ചിൽ ശ്വാസം എടുക്കാൻ ബുദ്ധിമുട്ടിക്കുന്ന ഏങ്ങലുകളായി മാറി ., ജെയ്സൻ കാറിന് പുറത്തിറങ്ങി സ്നേഹയിരുന്ന സൈഡിലെ ഡോർ തുറന്ന് അവളെ കൈ പിടിച്ച് വെളിയിലിറക്കി.
അവൾ അവൻ്റെ മാറിൽ മുഖം അമർത്തി നിയന്ത്രിക്കാൻ ശ്രമിച്ചു കൊണ്ട് അവൻ്റെ നെഞ്ചിൽ കൈ മുറുക്കി ഇടിച്ചു.
അത് തടയാൻ ആഞ്ഞ ആര്യയെ വിലക്കിക്കൊണ്ട് ജെയ്സൻ സ്നേഹയെ ഇറുക്കി പുണർന്ന് ആശ്വസിപ്പിക്കാൻ ശ്രമിച്ചു.
ഏറെ നേരം പാടുപെട്ടാണ് അവൾ നോർമലായത് പിന്നെ അവൾ ജെയ്സനെ നോക്കി അപ്പോഴും അവനവളെ വിട്ടിരുന്നില്ല, അവനിൽ നിന്നവൾ ബലമായി അടർന്നുകൊണ്ട് അവൾ ആര്യയുടെ അടുത്ത് വന്ന് ആര്യയുടെ കണ്ണുകൾ തുടച്ചു കൊണ്ട്.
“ചേച്ചിയുടെ ഭാഗ്യമാണിവൻ , ഇത് എത്രയോ നാളായി ഞാനും അമ്മയുമൊക്കെ ആഗ്രഹിക്കുന്ന കാര്യമാണ് ചേച്ചി, എന്നിട്ട് ഞാൻ നിങ്ങളുടെ ഇടയ്ക്ക് ഒരു കല്ലുകടി ആകുമെന്ന് ചേച്ചിക്കെങ്ങിനെ ചിന്തിക്കാൻ തോന്നി ”
“പിന്നെ എന്താ നിനക്ക് പറ്റിയത് ,എന്തിനാ നി കരഞ്ഞെ ,? വക്കീലെന്ത പറഞ്ഞെ ? അവൻ വീട്ടിലെത്തി പിന്നെയും പ്രശ്നം വെച്ചോ?”
“ഹേയ് അതല്ല വക്കീല് വിളിച്ചത് അവനെന്നെ ഒഴിവാക്കി എന്ന് പറയാന, അവൻ ഡിവോഴ്സ് ഒപ്പിട്ടു , ഇഷയേയും അവന് വേണ്ടാന്ന്. ഏതോ പുതിയൊരുത്തീൻ്റെ കൂടെ ആസ്ട്രേലിയ പോകുവാണ് എത്രയും പെട്ടെന്ന് ഡിവോഴ്സ് സെറ്റിലാക്കി കൊടുക്കണമെന്ന് ,ആ ചെറ്റ ഒരുത്തൻ കാരണമല്ലെ ചേച്ചി എൻ്റെ പൊന്നു മോളെ ഞാൻ നാട്ടില് കൊണ്ട് വിടേണ്ടി വന്നെ , എന്നിട്ടിപ്പൊ അവനവളെയും വേണ്ടത്രെ”