Posted by
“ക്ലിങ്…!!”
വീണ്ടും വാളുകൾ കൂട്ടിമുട്ടി. തീപ്പൊരികൾ ചിതറി.
അവൻ ശക്തിയായി വാൾ വീശി. കാറ്റിനെ കീറിമുറിക്കുന്ന വേഗത. എന്നാൽ അവൾ ഒരു തൂവൽ പോലെ വായുവിൽ ഒഴുകിമാറി. അവളുടെ ചലനങ്ങൾ ഒരു നൃത്തം പോലെ മനോഹരവും, എന്നാൽ മിന്നൽ പോലെ വേഗമേറിയതുമായിരുന്നു.
അവൾ ഒഴിഞ്ഞുമാറുന്നതിനൊപ്പം തന്നെ തിരിച്ചടിക്കുകയും ചെയ്തു. വാളുകൾ തമ്മിലുരസുമ്പോഴുണ്ടാകുന്ന ശബ്ദം ഹാച്ചിക്കുള്ളിൽ മുഴങ്ങിക്കേട്ടു. ഞങ്ങൾ ശ്വാസമടക്കിപ്പിടിച്ച് ആ കാഴ്ച കണ്ടുനിന്നു.
പെട്ടെന്നാണ് അവൻ അലറിക്കൊണ്ട് ഒരു അവസാന ആക്രമണത്തിന് തുനിഞ്ഞത്. വാൾ ഇരുകൈകൾ കൊണ്ടും ഉയർത്തി, സർവ്വശക്തിയുമെടുത്ത് അവളുടെ തല ലക്ഷ്യമാക്കി അവൻ വെട്ടി.
മൈരൻ….! പ്രാക്റ്റീസ് ആണെങ്കിലും ഒരു മയത്തിലൊക്കെ വീശിക്കൂടെ ആ പുണ്ടച്ചിമോന്… 😐
സുന്ദരിയുടെ കഴുതറ്റ് പോവുംമെന്ന് ഒരുനിമിഷം വിചാരിച്ച ഞങ്ങൾക്ക് തെറ്റ് പറ്റി…
കാരണം സംഭവിച്ചത് മറ്റൊന്നായിരുന്നു.
അവൾ ഒരു പൂച്ചയെപ്പോലെ കുനിഞ്ഞുമാറി, തന്റെ വാൾ കുറുകെ പിടിച്ച് അവന്റെ ആക്രമണത്തെ തടഞ്ഞു. വലിയൊരു ശബ്ദം അവിടമാകെ മുഴങ്ങി കേട്ടു.
അതേ വേഗതയിൽ അവൾ ഒരു വട്ടം കറങ്ങി, അവന്റെ പ്രതിരോധം തകർന്ന നിമിഷം മുതലെടുത്ത് മുന്നോട്ട് കുതിച്ചു.
നിമിഷനേരം കൊണ്ട് എല്ലാം അവസാനിച്ചു. ഹാളിനുള്ളിൽ വിജയിച്ചതിന്റെ നിശബ്ദത.
അവളുടെ തിളങ്ങുന്ന വാളിന്റെ അതിമൂർച്ചയേറിയ അറ്റം, അവന്റെ കഴുത്തിലെ പ്രധാന ഞരമ്പിന് തൊട്ടു മുന്നിലായി വിറയ്ക്കാതെ നിന്നു.