Posted by
എന്റെ ജീവിതം ഒരു പ്രേതകഥയിലേക്ക് തെന്നി മാറുമോ എന്ന് ആലോചിച്ചു ഇരിക്കുമ്പോ എന്റെ കഴുത്തിൽ കടിക്കാതെ ചേച്ചി മുകളിലേക്ക് ആഞ്ഞു. എന്റെ ദേഹത്തു നിന്നും പിടുത്തം വിട്ടു ചേച്ചി നേരെ നീന്തി. ഞാൻ പെട്ടന്ന് മുകളിലേക്ക് ഉയർന്നു പൊങ്ങി കരയിലേക്ക് നോക്കി. ദേ കടവ് അടുത്തിരുന്നു. മലർന്ന് കിടന്നു നീന്തിയത് കൊണ്ട് ഞാൻ അത് അറിഞ്ഞിരുന്നില്ല. ഇപ്പൊ ആമിയുടെയും ഐഷയുടെയും ഒച്ച എനിക്ക് കേൾക്കാം. ആദ്യം ആര് തിരിച്ചു എത്തുമെന്ന് നോക്കി കയ്യടിച്ചു അവർ പ്രോത്സാഹിപ്പിക്കുക ആണ്..
എനിക്ക് കാര്യം പിടികിട്ടി. എന്നെ വെള്ളത്തിൽ മുക്കിയിട്ട് ചേച്ചി വേഗത്തിൽ ഒന്നാമത് എത്താനുള്ള പരുപാടി ആയിരുന്നു. എനിക്ക് മുന്നിൽ ചേച്ചി വേഗത്തിൽ നീന്തുന്നുണ്ട്. അങ്ങനെ വിട്ടാൽ പറ്റില്ലല്ലോ.. ഞാൻ പുറകെ വച്ചു പിടിച്ചു. പടവിൽ എത്താൻ ഞങ്ങൾക്ക് ഇനി നിമിഷങ്ങൾ മതി. ചേച്ചി ഇപ്പോളും എന്റെ മുന്നിൽ ആണ്. ഞാൻ പരമാവധി വേഗം കൂട്ടി ചേച്ചിയുടെ പിന്നിൽ എത്തി. എന്നിട്ട് വെള്ളിക്കൊലുസ് ഇട്ട ആ കാലിൽ പിടിച്ചു പുറകിലേക്ക് വലിച്ചു..
പെട്ടന്ന് പുറകിലേക്ക് വലിച്ചപ്പോ ചേച്ചിയുടെ വേഗത നിന്നു. ചേച്ചിക്ക് പിടി കൊടുക്കാതെ ഞാൻ വെട്ടി തിരിഞ്ഞു കടവിലേക്ക് നീന്തി. എന്റെ ഒപ്പം തന്നെ ശിവേച്ചിയും.. ഒടുവിൽ ആ മത്സരത്തിന്റെ അവസാനം എന്നോണം കടവിലെ അവസാന പടവിൽ എന്റെ കൈ തൊട്ടു. തൊട്ട് പിന്നാലെ ചേച്ചിയുടെ കയ്യും
‘ഏയ്… നന്ദു ചേട്ടൻ ജയിച്ചേ…’
ഐഷ കുട്ടി എഴുന്നേറ്റ് നിന്ന് കയ്യടിച്ചു