Posted by കാറിൽ നിന്ന് ബാഗും എടുത്തു കയ്യിൽ പിടിച്ചുകൊണ്ട് ഉമ്മറത്തേക്ക് നടന്നു കയറുന്നതിനിടെ മഞ്ജു തിരക്കി . ഒരു പിങ്ക് കളർ സാരിയും ബ്ലൗസും ആണ് അവളുടെ വേഷം . കൈമുട്ടോളം സ്ലീവ് ഉള്ള ടൈപ്പ് ബ്ലൗസ് ആണ് അവളുടേത് . മാത്രമല്ല അതിനു കോളർ പോലെ ഒരു കോട്ടിങ്ങും ഉണ്ട് !
“ഇല്ലെടോ ..അമ്മേം അഞ്ജുവും കൂടെ റീസെപ്‌ഷനു പോയി . ഇനി ഞാനും കൂടിപ്പോയാൽ വീട് അടച്ചിടണ്ടേ , സോ ഇവിടിരുന്നു ..”
ഞാൻ ഗൗരവത്തിൽ തന്നെ പറഞ്ഞു കസേരയിൽ ചാരി കിടന്നു . കാലുകൾ തിണ്ണയിലേക്ക് നീട്ടി വെച്ചാണ് എന്റെ കിടത്തം .
“മ്മ്..”
മഞ്ജുസ് ഒന്ന് മൂളികൊണ്ട് ഉമ്മറത്തേക്ക് കേറി . ബാഗ് തിണ്ണയിലേക്ക് വെച്ചുകൊണ്ട് മഞ്ജു പെട്ടെന്ന് എന്റെ നേരെ മുൻപിൽ വന്നിരുന്നു . വിയർപ്പും പെർഫ്യൂമും കലർന്ന് സാമാന്യം കുത്തൽ ഉള്ള ഒരു ഗന്ധം അവൾ വന്നിരുന്നപ്പോൾ എന്റെ മൂക്കിലേക്ക് തുളഞ്ഞു കയറി .
“ഇന്നെങ്ങനെ ഉണ്ടായിരുന്നു ? ”
മഞ്ജു വന്നിരുന്നതും ഞാൻ പയ്യെ തിരക്കി .
“ആഹ്…കുഴപ്പമില്ല …”
മഞ്ജു ചെറിയൊരു കോട്ടുവാ ഇട്ടുകൊണ്ട് ചിരിയോടെ പറഞ്ഞു .
“മ്മ്…പിന്നെ നീ എളുപ്പം കുളിക്കുവാണേൽ നമുക്കും കൂടി റീസെപ്‌ഷനു പോകാം ? എന്താ താല്പര്യം ഉണ്ടോ ? അയൽവാസികൾ ആയിട്ട് പോയില്ലേൽ മോശം അല്ലെ ”
ഞാൻ ചോദ്യ ഭാവത്തിൽ അവളെ നോക്കി .
“ആഹ്…അതൊക്കെ ശരിയാ . പക്ഷെ , ഇവിടൊക്കെ ഉള്ള പ്രായമായ ചേച്ചിമാര് വരെ എന്നെ ടീച്ചറെ , ടീച്ചറെ എന്ന വിളിക്ക്യാ .അതോണ്ട് ഒരു സദസ്സിലേക്ക് പോകാൻ എനിക്ക് ചമ്മൽ ആണ് . പിന്നെ അതുമാത്രല്ല , ഭർത്താവിന് സുഖം അല്ലെ ടീച്ചറെ എന്നൊക്കെ ഓരോരുത്തര് കളിയാക്കി ചോദിക്കും..”
മഞ്ജു കല്യാണത്തിന് പോകാൻ അത്ര താല്പര്യമില്ലാത്ത മട്ടിൽ പറഞ്ഞു .
“ഹി ഹി..”
അവളുടെ മറുപടി കേട്ട് ഞാൻ പയ്യെ ചിരിച്ചു .
“മ്മ്….എന്തായാലും നാളെ രാവിലെ കൃഷ്ണൻ മാമേടെ വീട്ടിൽ പോണം . അത് മറക്കണ്ട മോളെ ”
ഞാൻ പെട്ടെന്ന് എന്തോ ഓർത്തെടുത്ത പോലെ പറഞ്ഞു
“മ്മ്…അതൊക്കെ പോകാം . എന്തായാലും നീ ഇരിക്ക് കവി . ഞാൻ ഇതൊക്കെ മാറ്റിയിട്ട് വരാം .നീ ചായ കുടിച്ചിട്ടില്ലല്ലോ ?”
മഞ്ജുസ് പെട്ടെന്ന് പറഞ്ഞുകൊണ്ട് ബാഗും കയ്യിലെടുത്തു എഴുന്നേറ്റു .
“ഇല്ല….”
ഞാൻ പയ്യെ പറഞ്ഞു .