Posted by “ഒന്ന് പോടീ പുല്ലേ ..ഒരുമാതിരി കൊച്ചുപിള്ളേരെ പോലെ കൊഞ്ചല്ലേ ”
അവളെ ഒന്നുടെ വരിഞ്ഞുകൊണ്ട് ഞാൻ പറഞ്ഞു ചിരിച്ചു.
“നീ എന്താടാ ഇപ്പൊ പഴയപോലെ എന്നെ വഴക്കൊന്നും പറയാത്തെ? ഇപ്പൊ നീ ഒരുമാതിരി വല്യ ആളെപോലെ ആയി ”
മഞ്ജുസ് എന്റെ കഴുത്തിൽ കൈചുറ്റികൊണ്ട് പറഞ്ഞു .
“ആഹാ .. ..ഇപ്പൊ ചീത്ത പറയാത്തതാണോ നിന്റെ പ്രെശ്നം ?”
ഞാൻ അവളുടെ പുറത്തു തഴുകികൊണ്ട് ആശ്ചര്യത്തോടെ ചോദിച്ചു .
“അതല്ല..നീ ഇപ്പൊ വല്യ ആൾക്കാരെ പോലെയാ ഇടക്കൊക്കെ സംസാരിക്കുന്നെ ”
മഞ്ജുസ് ചിണുങ്ങിക്കൊണ്ട് എന്റെ കവിളിൽ ചുംബിച്ചു .
“ആഹാ…ഇത് നല്ല കൂത്ത് ! നീ അല്ലെടി ഇപ്പോഴും പറയാറ് ..ഞാൻ കുറച്ചൂടെ സീരിയസ് ആവണം . കുട്ടിക്കളി മാറ്റി ജോലിയിൽ ശ്രദ്ധിക്കണം എന്നൊക്കെ ? അപ്പൊ അതൊന്നും ഇനി വേണ്ടേ ?”
ഞാൻ അവളെ അകത്തിമാറ്റികൊണ്ട് സംശയത്തോടെ ചോദിച്ചു .
“വേണ്ട ..എനിക്കെന്റെ പഴയ കവിയെ മതി . നിനക്ക് ആ കുട്ടികളിയെ ചേരൂ . ഇതിപ്പോ നീയെന്നെ തോൽപ്പിച്ചോണ്ടിരിക്കുവാ ..എനിക്കെല്ലാം മനസിലാവുന്നുണ്ട് ..”
മഞ്ജുസ് പെട്ടെന്ന് കണ്ണ് നിറച്ചുകൊണ്ട് എന്നെ കെട്ടിപിടിച്ചു .
“ഹ ഹ ..നീ എന്തൊക്കെയാ മഞ്ജുസേ ഈ പറയുന്നേ..? എനിക്കൊന്നും മനസിലാകുന്നില്ല..”
ഞാൻ അവളെ സ്നേഹപൂർവ്വം ഒന്ന് അമർത്തി കെട്ടിപിടിച്ചു കൊണ്ട് ചിരിച്ചു .
“പോടാ…എനിക്ക് വിഷമം ആയാലോ എന്നുവെച്ചിട്ടല്ലേ നീ ഒന്നും പറയാത്തത് ? ഞാൻ കുറച്ചായി ശ്രദ്ധിക്കുന്നു . എന്തേലും സീരിയസ് മാറ്റർ വന്നാൽ നീ അപ്പൊ വിഷയം മാറ്റും ..”
മഞ്ജുസ് ചിണുങ്ങിക്കൊണ്ട് എന്റെ കഴുത്തിൽ പിടിമുറുക്കി .
” നീ ഒരുപാട് സങ്കടപ്പെട്ടതല്ലേ മഞ്ജുസേ , ഇനി ഞാൻ കൂടി എന്തിനാ വെറുതെ നിന്നെ കരയിപ്പിക്കുന്നെ എന്ന് വിചാരിച്ചിട്ടാ… ”
ഞാൻ അവളുടെ കവിളിൽ പയ്യെ ചുംബിച്ചുകൊണ്ട് അവളെ ആശ്വസിപ്പിച്ചു.
“അങ്ങനെ ഇപ്പൊ വിചാരിക്കണ്ട .ഞാൻ എന്റെ കഥയൊക്കെ പറഞ്ഞോണ്ടാണോ നിനക്ക് ഈ സിമ്പതി ? അങ്ങനെയിപ്പോ നിന്റെ ഓശാരം ഒന്നും എനിക്ക് വേണ്ട..”
മഞ്ജുസ് സ്വല്പം കാര്യമായി തന്നെ പറഞ്ഞു കണ്ണ് നിറച്ചു .
“അങ്ങനെയല്ലെടി മിസ്സെ . ..ശരിക്കും നിന്റെ കണ്ണ് നിറഞ്ഞാൽ എനിക്ക് സഹിക്കില്ല..അതോണ്ടാ….”
ഞാൻ അവളെ അകത്തി മാറ്റി ചിരിയോടെ പറഞ്ഞു . പിന്നെ മുൻവശത്തേക്ക് വീണുകിടന്ന അവളുടെ മുടിയിഴ പുറകിലേക്ക് നീക്കികൊണ്ട് അവളെത്തന്നെ ഉറ്റു നോക്കി .