Posted by ഒരു പഴയ മോഡൽ വീടായിരുന്നു അത്. ഏകദേശം സത്യ ശീലന്റെ വീട് പോലെ തന്നെ.അവർ അങ്ങോട്ട് കേറി ചെല്ലുമ്പോൾ തന്നെ അവിടെ കുറച്ച് പേർ വരാന്തയിൽ നിൽക്കുന്നുണ്ടായിരുന്നു.രണ്ടു സ്ത്രീകളും അഞ്ചു പുരുഷൻ മാരും ആയിരുന്നു ആ രണ്ടു സ്ത്രീകളുടെ കയ്യിലും രണ്ടു കുട്ടികളെ അവർ കണ്ടു ഒരു കുഞ്ഞു പോടീ കുഞ്ഞാണ്. മറ്റത്ത് മായയുടെ അതെ പ്രായവും.
അവർ സ്വാമി എന്ന് തോന്നിക്കുന്ന വിധത്തിൽ വസ്ത്രം ധരിച്ച ആളെ കണ്ടു അവരുടെ അടുത്തേക്ക് നടന്നു.
“രക്ഷിക്കണം ഞങ്ങൾക്ക് ആകെ ഉള്ള മോളാ”ഭാഗ്യലക്ഷ്മി കരഞ്ഞു കൊണ്ട് അയാളോട് പറഞ്ഞു.
അയാൾ കുട്ടിയെ അവിടെ കിടന്നിരുന്ന ഒരു പലകയിൽ കിടത്താൻ ആവശ്യ പെട്ടു.എന്നിട്ട് അയാൾ മായയുടെ ഇരു കണ്ണുകളും വിരൽ ഉപയോഗിച്ച് പരിശോധിച്ചു.
“എന്റെ സംശയം തെറ്റിയില്ല.”മേപ്പടൻ എലാവരുമോടായി പറഞ്ഞു.
“ഈ കുഞ്ഞിനും നിങ്ങളുടെ കുഞ്ഞിന്റെ അതെ അവസ്ഥ തന്നെ ആണ്” അയാൾ അപ്പുറത് നിന്നിരുന്ന ആ കുടുംബത്തെ നോക്കി പറഞ്ഞു.
“ഇവളുടെ പ്രശ്നത്തിനും പരിഹാരം ഒന്നേ ഉള്ളു “അയാൾ പറഞ്ഞു നിർത്തി.
“എന്താണ് സ്വാമി”വെപ്രാളത്തിൽ സത്യശീലൻ ആണ് അത് ചോദിച്ചത്.
മേപ്പടൻ കൈകൾ ഉയർത്തി അവിടെ നിന്നിരുന്ന മറ്റൊരു സ്ത്രീയുടെ കൈകളിലേക്ക് ചൂണ്ടി ആ പോടീ കുഞ്ഞിലേക്ക്.
“നിങ്ങളുടെ കുഞ്ഞിനേയും ആ കുഞ്ഞിനെ കൊണ്ട് വിവാഹം ചെയ്യിക്കണം”
അവിടെ മൊത്തം പെട്ടന്ന് നിശബ്ദമായി. കേട്ടത് എന്താണ് എന്ന് സത്യശീലനും, ഭാഗ്യാലക്ഷ്മിയും പൂർണമായും മനസ്സിലായില്ല.