മണിയറക്കള്ളൻ [സ്പൾബർ]

 

 

✍️… ഇന്ന് കല്യാണമാണ്.. കുറച്ച് ദൂരെയുള്ള പെണ്ണിന്റെ വീട്ടിലേക്ക് രാവിലെത്തന്നെ വരനും സംഘവും പുറപ്പെട്ടു..ആത്മാർത്ഥ സുഹൃത്തായിട്ടും ബാലു താലികെട്ടിന് പോയില്ല.. അവനെന്തോ ഇപ്പോ മനോജിന്റെ സ്വഭാവം തീരെ പിടിക്കുന്നില്ല.. എന്നാലും കലവറയിലെ കാര്യങ്ങളെല്ലാം നോക്കി അവൻ ഓടി നടന്നു..ഏകദേശം ഒരു മണിയായപ്പോ വരനും സംഘവും തിരിച്ചെത്തി..മനോജിന്റെ അമ്മ, ജിഷയെ ആരതിയുഴിഞ്ഞ് അകത്തേക്ക് കയറ്റി.. അത് കാണാനൊന്നും ബാലു അവിടെ ഇല്ലായിരുന്നു.. മറുവീട് വന്ന ജിഷയുടെ കുടുംബക്കാർക്ക് സദ്യ വിളമ്പുന്ന തിരക്കിലായിരുന്നു അവൻ..

 

 

എല്ലാം കഴിഞ്ഞ് വൈകിട്ടാണ് ബാലു ഒന്ന് ഫ്രീയായത്.. തിരക്കെല്ലാം ഒഴിഞ്ഞ് അവൻ തളർന്ന് ഒരു കസേരയിലേക്കിരുന്നു..

 

 

“നീ എവിടെയായിരുന്നെടാ മൈരേ… ?.

കല്യാണത്തിനിടക്ക് നീയങ്ങ് മുങ്ങിയല്ലേ… ?”..

 

 

പുറത്തൊരടിയും ചോദ്യവും കേട്ട് ബാലു തിരിഞ്ഞ് നോക്കി.. മണവാളന്റെ ഡ്രസിൽ മനോജ് ഇളിച്ചോണ്ട് നിൽക്കുന്നു..

 

 

“നീയൊക്കെ എന്റെ കല്യാണത്തിന് ഓടി നടക്കാനുണ്ടാവുമെന്നാ ഞാൻ കരുതിയത്… രാവിലെ മുങ്ങിയിട്ട് ഇപ്പോ പൊങ്ങിയിരിക്കുകയാ മൈരൻ… “..

 

 

ഇന്നലെ രാത്രി മുതൽ ഒരു പോള കണ്ണടക്കാതെ ഓടി നടന്ന ബാലു വേദനയോടെ ഒന്ന് ചിരിച്ചു.. അവൻ മനോജിനെ പറഞ്ഞ് തിരുത്താനൊന്നും പോയില്ല..

 

 

“നീ ഏതായാലും വാ… നിനക്ക് ജിഷയെ പരിചയപ്പെടണ്ടേ… ?”..

 

 

“ഉം… അത് പിന്നെ നോക്കാം… ഞാനാദ്യം വീട്ടിൽ പോയൊന്ന് കുളിക്കട്ടെ… ആകെ വിയർപ്പാ… “..