Posted by “””ഓ…. അവൻ സുഖമായിട്ട് ഇരിക്കുന്നു മോനെ””” അങ്ങേര് എന്നെ വിളിച്ച മോനെ വിളിയിൽ തന്നെ ഉണ്ടായിരുന്നു എന്നെ ബോധിച്ചു എന്ന്…
അങ്ങനെ കുറേ നേരം അവരോട് എല്ലാരോടുമായി സംസാരിച്ച് നിന്നു…. എല്ലാത്തിനെയും ഞാൻ മടക്കി പോക്കറ്റിലാക്കി….. ഞാൻ അവരോടെല്ലാം കുറേകാലമായി പരിചയമുള്ളത് പോലെ സംസാരിക്കുന്നത് കണ്ട് ചേച്ചി കണ്ണും തള്ളി നിൽപ്പായിരുന്നു…. ആ സമയംകൊണ്ട് പാർട്ടിക്ക് വന്ന ഒരുവിധം എല്ലാവരും അത്യാവശ്യം ഫോമിൽ ആയിരുന്നു, സാധരണ പരിപാടിക്ക് പോയാൽ ഈ സമയംകൊണ്ട് ഞാനും നാലഞ്ചെണ്ണം മിനിക്കേണ്ടതാണ്, പക്ഷെ ഇന്ന് എന്താന്ന് അറിയില്ല, അതിനേക്കാൾ എല്ലാം കിക്ക് എനിക്ക് ചേച്ചിയുടെ കൂടെ നിൽക്കുമ്പോൾ കിട്ടുന്നുണ്ട്…. അതും ഭർത്താവിന്റെ പോസ്റ്റിൽ!!!…
എല്ലാരും കൂടെ നിന്ന് സംസാരിക്കുമ്പോൾ പെട്ടെന്ന് ആരോ മൈക്ക് ഓൺ ചെയ്ത് സംസാരിക്കാൻ തുടങ്ങി, നോക്കിയപ്പോൾ ദിവ്യയുടെ ഭർത്താവ്… ദി ഹോസ്റ്റ്!!!
“””ഡിയർ ഫ്രണ്ട്സ്…. നിങ്ങളുടെ തിരക്കുപിടിച്ച ജീവിതത്തിൽ നിന്ന് നിങ്ങൾ എല്ലാവരും ഞങ്ങളോടൊപ്പം ഞങ്ങളുടെ പ്രണയവാർഷികം ആഘോഷിക്കാനും ഈ സായാഹ്നം കൂടുതൽ മനോഹരമാക്കാനും ഏതാനും മണിക്കൂറുകൾ ഞങ്ങൾക്കായി മാറ്റിവെച്ചതിൽ എനിക്ക് അങ്ങേയറ്റം സന്തോഷമുണ്ട്…. എല്ലാവരും എൻജോയ്….. എല്ലാവരും ഡാൻസ് ചെയ്യു, ലെറ്റ് ദി പാർട്ടി ബിഗിൻ””” കുഴയുന്ന ശബ്ദത്തിൽ അയാൾ പറഞ്ഞ് നിർത്തിയതും സ്പീക്കറിൽ പാട്ട് പ്ലേ ചെയ്യാൻ തുടങ്ങി….
പാട്ട് പ്ലേ ആയി തുടങ്ങിയതും ഒരേ നിമിഷം ഞാൻ ചേച്ചിയേം ചേച്ചി എന്നെയും തിരിഞ്ഞ് നോക്കി…. ഞങ്ങൾ പരസ്പരം നോക്കി നിന്നു…. അതെ, അന്ന് പബ്ബിൽ വെച്ച് ഞാൻ ചേച്ചിയുടെ കൂടെ നൃത്തം ചെയ്ത അതേ പാട്ട്… എന്നെ തള്ളി മാറ്റി ചേച്ചി പകുതിക്ക് വെച്ച് ഇറങ്ങിപ്പോയ അതേ പാട്ട്!!!
അങ്ങിങ്ങായി നിന്നവർ ഓരോരുത്തരായി അവരുടെ ഭാര്യമാരെയും ഭർത്താക്കന്മാരെയും കാമുകന്മാരെയും കാമുകിമാരെയും എല്ലാം കൂട്ടി നൃത്തം ചെയ്യാൻ തുടങ്ങി….
“””ഹേയ് ഗയ്സ്… ഡാൻസ്…. ഡാൻസ്””” പരസ്പരം നോക്കി എന്തുചെയ്യണമെന്ന് അറിയാതെ നിന്ന ഞങ്ങളോട് നേരത്തെ പരിചയപ്പെട്ട കൂട്ടത്തിൽ ഒരുത്തൻ വിളിച്ച് കൂവി…
എനിക്ക് കൂടുതൽ ചിന്തിക്കാൻ ഇല്ലായിരുന്നു…. അന്നത്തെ അതേ പാട്ടിന് ചേച്ചിയുടെ കൂടെ നൃത്തം ചെയ്യാനുള്ള അവസരം… ഞാൻ ചേച്ചിയ്ക്ക് നേരെ കൈ നീട്ടി, പുള്ളിക്കാരി എന്ത് ചെയ്യണമെന്ന് അറിയാതെ ചുറ്റും ഒന്ന് നോക്കി…. എല്ലാരും പാട്ട് ആസ്വദിച്ച് നൃത്തം ചെയ്യുകയാണെന്ന് കണ്ടതും എനിക്ക് കൈ തന്നു….