കിനാവ് കണ്ടിരിക്കുന്ന എന്നെ അവന്മാര് തുക്കികൊണ്ട് പോകണ്ടി വന്നു…അതിനിടയ്ക്ക് ബാക്കി രണ്ടിനും ശ്രീ പറഞ്ഞു കൊടുത്തായിരുന്നു…അങ്ങനെ അവർക്കും കിട്ടി മറ്റവന്മാർക്ക് കിട്ടിയ പോലെ ഒരു പെങ്ങളെ…ഏത്…അതാണല്ലോ അതിന്റെ ഒരു സവാരി ഗിരി ഗിരി…
ദിവ്യാനുരാഗം 6 [Vadakkan Veettil Kochukunj]
Posted by ” എന്താടാ ഇവന് പറ്റിയെ…ശരിക്കും ഒബ്ലാംകട്ടക്ക് അടി കിട്ടിയ പോലെയാ ഇതിൻ്റെ അവസ്ഥ… “
എന്നെ നോക്കി കൊണ്ട് അവന്മാരോടായി ശ്രീ പറഞ്ഞു
” ഇതൊക്കെ എന്ത് മോനേ…ഇനി വരാൻ കിടക്കുന്നേ ഉള്ളൂ…ഇതൊക്കെ സാമ്പിൾ… അതാണ് ഈ പ്രേമത്തിന്റെ ഒരു ഇത്… “
അഭി എന്നെ നോക്കി കളിയാക്കി ചിരിച്ചുകൊണ്ട് പറഞ്ഞു…
” എന്നാലും ഇതിനെ ഇത്രയും കാലത്തിനിടയ്ക്ക് ആദ്യായിട്ടാ ഇങ്ങനെ ഒന്ന് കാണുന്നേ… “
ഇത്തവണ അതു ആയിരുന്നു… അതിന് ഞാനവനെ നോക്കി ചിരിച്ചു..
” സത്യം… സന്തോഷം കൊണ്ടുള്ള അവൻ്റെ പല്ലും കാട്ടിയുള്ള ചിരി നോക്ക്… സിംഗിൾ ബിരിയാണിയിൽ രണ്ടു പീസ് ചിക്കൻ കിട്ടിയതുപോലെ… “
നന്ദു എന്നെ നോക്കി കളിയാക്കി ചിരിച്ചുകൊണ്ട് പറഞ്ഞു…അതിനവന്മാരും ചിരിക്കാൻ തുടങ്ങി…
പിന്നെ കുറച്ച് നേരം അവന്മാരുടെ സുഖമുള്ള കളിയാക്കലും കേട്ട് വീട്ടിലേക്ക്… അച്ഛനും അമ്മയും ഉമ്മറതിരിക്കുമ്പോളായിരുന്നു വീട്ടിലേക്ക് കേറി ചെല്ലുന്നത്…അത് വരെ അവളെ ചിന്തിച്ചിരുന്ന മനസ്സ് പെട്ടെന്ന് അങ്ങ് മാറി…
” ദേവ്യേ… കാത്തോണേ…മണം ഒന്നും അടിക്കല്ലേ… “
കോളേജിലെ കലാപരിപാടികളും കഴിഞ്ഞ് ഫോമില് വരുന്ന ഞാൻ ദൈവത്തോട് അതും പറഞ്ഞ് വണ്ടി പോർച്ചിൽ കേറ്റി നടന്നു
” ആ എങ്ങനുണ്ടായിരുന്നു സാറിന്റെ ഓണം സെലിബ്രേഷൻ ഒക്കെ… “
ഉമ്മറത്ത് കേറിയ എന്നെ നോക്കി എൻ്റെ മാതാശ്രി ചോദിച്ചു
” നന്നായിരുന്നു… “
ഒറ്റവാക്കിൽ അതിന് ഞാൻ മറുപടി പറഞ്ഞൊതുക്കി… കൂടുതൽ പറഞ്ഞ് വല്ല സമെല്ലും കിട്ടിയാ പിന്നെ കൂടുതൽ പറയേണ്ടി വരില്ലല്ലോ…നോട്ട് ത പോയിന്റ്….
” എന്നാ ചെന്ന് ഫ്രഷായിട്ട് ചായ കുടിക്ക്…ചെല്ല്… “
ഇത്തവണ അച്ഛൻ ആയിരുന്നു… അതിന് തലയാട്ടി വേഗം റൂമിലേക്ക് കയറി… എന്നിട്ടൊരു കുളി അങ്ങ് പാസാക്കി… പിന്നെ താഴെ ഇറങ്ങി ചായയും കുടിച്ച് അവരോട് രണ്ടാളോടും കുറച്ച് നേരം സംസാരിച്ചിരുന്നു… പിന്നെ നേരെ റൂമിൽ കേറി…