Posted by ”അത് വാഴത്തോട്ടത്തിൽ ആരും കേറാതിരിക്കാനാ ,,ഞാനാ വൈകിട്ട് വന്നു ഓൺ ചെയ്തു പോയത്..,,.”
മെയിൻ സ്വിച് ബോക്സിന്റെ മോളിൽ നിന്നു താക്കോൽ എടുത്തു വാതിൽ തുറക്കുമ്പോൾ വല്യമ്മ പറഞ്ഞു..
”വല്ല കള്ളന്മാരും ? ”
”’അല്ലെടാ ,തറവാട്ടിലെ ആരോ ആണ് , നമ്മുടെ മുറ്റത്തു നിന്നാ നിഴല് കണ്ടത് …”’
വല്യമ്മേ ദേ….
കുളക്കരയിലേക്കാണ് ആ രൂപം നടന്നു വരുന്നത് ,,ഈ പാതിരാത്രിക്ക് ഇതാര് ,,,വല്യമ്മ അസാധാരണ ധൈര്യമുള്ള ആളാണ് ,,അതിന്റെ ഒരു ബലത്തിലാണ് ,അല്ലെങ്കിൽ ഈ രാത്രി ഈ സ്ഥലത്തു വെച്ചു ഇങ്ങനെയൊരു രൂപത്തെയൊക്കെ കണ്ടാൽ ഞാൻ പേടിച്ചു ചത്തിട്ടുണ്ടാകും ,
”ഇത് ജയയല്ലേ ,,”
വല്യമ്മ പറയുന്നത് കേട്ട് ആ രൂപത്തെ ശ്രദ്ധിച്ചു നോക്കി ,……അതെ ചെറിയമ്മ തന്നെ ,,ആരോടോ ഫോണിൽ സംസാരിച്ചുള്ള വരവാണ്…ഇടയ്ക്കു ”പ്ലീസ്…. പ്ലീസ്” എന്ന് ഉച്ചത്തിൽ പറയുന്നതല്ലാതെ ബാക്കിയൊന്നും ശരിക്ക് കേൾക്കുന്നില്ല… പിന്നെ കുറച്ചു നേരം വിളക്ക് കാലിന്റെ അടുത്തിരുന്നായി ഫോൺ വിളി ,,ഏതാണ്ട് ഒരരമണിക്കൂർ ,,പിന്നെ എന്തൊക്കെയോ തലയാട്ടി സമ്മതിച്ചു ഫോൺ കട്ട് ചെയ്തിട്ട് താടിക്കു കൈകൊടുത്തു എന്തോ ആലോചിച്ചു അവിടെ തന്നെയിരുന്നു …
”അവനെ പറഞ്ഞാൽ മതി ,,,…”
വല്യമ്മ പിറുപിറുക്കുന്നതു കേട്ടു..ചെറിയച്ഛനെ കുറിച്ചാണ് …..
”വേറൊരു അവസരത്തിലായിരുന്നെങ്കിൽ അവളുടെ ഫോൺ വിളി ഇന്നത്തോടെ നിർത്തിയേനെ ,,,ഇതിപ്പോ
അവളെ പറയാൻ എനിക്കെന്തർഹത …കണ്ട് നിന്നാൽ ചിലപ്പോ അതൊക്കെ മറന്നു ഞാനങ്ങോട്ടു പോയെന്നു വരും , ……..അത് കൊണ്ട് ഞാനിവിടെ ഇരിക്കാം ,,നീ അവളുടെ ഫോൺ വിളി കഴിഞ്ഞു എഴുന്നേറ്റു പോയാൽ പറഞ്ഞേക്ക് ”
നോക്കുമ്പോൾ അവർ പോയി കട്ടിലിൽ തലയ്ക്കു കൈകൊടുത്തിരിക്കുന്നു ,,ഇപ്പോഴത്തെ നിസ്സഹായ അവസ്ഥ കാരണമാണ് , പറഞ്ഞത് സത്യമാണ് , വേറെ അവസരത്തിൽ ആയിരുന്നെങ്കിൽ ചെറിയമ്മേടെ സൂക്കേട് ഇന്നത്തോടെ തീരുമായിരുന്നു ,,,തറവാട്ടിലെ എല്ലാവർക്കും ,പെണ്ണുങ്ങൾക്ക് പ്രത്യേകിച്ചു വല്യമ്മയെ അത്രയ്ക്ക് പേടിയാണ് ..അച്ഛനടക്കം സഹോദരന്മാർ ആരും ചേച്ചിക്കെതിരെ ഒന്നും പറയില്ല …പെണ്ണുങ്ങൾ അത് കൊണ്ട് ഉള്ള ചൊരുക്ക് മൊത്തം അഞ്ചുചേച്ചിയിൽ തീർക്കും .ആ പാവം പിന്നെ എന്ത് കേട്ടാലും മിണ്ടാതെ പൊയ്ക്കൊള്ളും എന്നറിയാം ….ഏതായാലും ഞാൻ ചെറിയ ജനലിൽ കൂടി കുളക്കരയിലേക്കു കണ്ണ് നട്ടു നിന്നു …. സമയം ഇഴഞ്ഞു നീങ്ങുകയാണ് ,,,,,ഏതായാലും ഇപ്പോഴത്തെ ലൈഫ് ഓരോന്നും പുതിയ അനുഭവങ്ങളാണ് സമ്മാനിക്കുന്നത് ,പ്രതീക്ഷിക്കാത്ത കാഴ്ചകളും …
ആരോ ഒരാൾ കൂടി ഇങ്ങോട്ടു വരുന്നുണ്ട് ,,ഇനി ചെറിയമ്മയെ കാണാതെ ചെറിയച്ചൻ തിരക്കി വരുന്നതാകുമോ ,എയ് അല്ല ഇത് മറ്റാരോ ആണ് ,ശരീരപ്രകൃതി കണ്ടിട്ടു ഒരു ചെറുപ്പക്കാരനാണെന്നു തോന്നുന്നു ,,അപ്പോൾ എന്നെ പോലെ സ്വന്തം വീട്ടിൽ വിത്തിടാൻ നോക്കുന്ന ആരോ ഒരാൾ കൂടിയുണ്ട് ഇവിടെ ,ആരാകും ? പ്രായവും കയ്യിലിരുപ്പും വച്ച് ആ ഒരു ഗണത്തിൽ പെടുത്താൻ വസുമതി അമ്മായിയുടെ മോൻ രാഹുലും ,പിന്നെ ജയദേവ് ,സുധി ,സനിൽ …… പിന്നെ ……