ഒരിക്കൽകൂടി💜 [ലിലിത്ത്]

 

വായിച്ചുകൊണ്ടിരിക്കുമ്പോഴാണ് ഫോണിൽ ഒരു നോട്ടിഫിക്കേഷൻ വന്നത്..

 

ജാസ്മിൻ ഫോണെടുത്ത് നോക്കി..

 

ഫേസ്ബുക്കിൽ ഒരു ഫ്രണ്ട് റിക്വസ്റ്റ് വന്നിരിക്കുന്നു..

 

ജാസ്മിൻ സോഷ്യൽ മീഡിയയിൽ അങ്ങനെ ആക്റ്റീവ് ഒന്നുമല്ല.. ഫേസ്ബുക്ക് എടുത്തിട്ടുതന്നെ മൂന്നു മാസമേ ആയിട്ടുള്ളൂ..

 

ആകെയുള്ള എൻ്റർടെയ്ൻമെൻ്റ് എന്നു പറയുന്നത് പുസ്തക വായനയാണ്. അതും അടുത്തുള്ള പബ്ലിക് ലൈബ്രറിയിൽ നിന്നും എടുത്തു വായിക്കുന്നത്..

 

അവിടെയുള്ള പുസ്തകങ്ങൾ വായിച്ചു തീർന്നപ്പോഴാണ് പുതിയ പുസ്തകങ്ങളെ പരിചയപ്പെടാൻ ഫേസ്ബുക്കിൽ ഒരു അക്കൗണ്ട് എടുക്ക് എന്ന് ലൈബ്രേറിയൻ പറഞ്ഞത്. ധാരാളം ഗ്രൂപ്പുകൾ ഉണ്ടത്രേ.. താല്പര്യം ഇല്ലെങ്കിലും ഒരു അക്കൗണ്ട് എടുത്തു..

 

റിക്വസ്റ്റ് വന്ന പ്രൊഫൈൽ ജാസ്മിൻ ഓപ്പൺ ചെയ്തു നോക്കി..

 

കാർത്തിക് ശങ്കർ..

 

പ്രൊഫൈൽ ഫോട്ടോ എടുത്ത് നോക്കിയപ്പോൾ അവളൊന്നു ഞെട്ടി..

 

കാർത്തിക്..

 

തൻ്റെ കിച്ചു..

 

അല്ല, തൻ്റെ ആയിരുന്ന കിച്ചു..

 

പത്തു വർഷത്തിനു ശേഷമാണ് ഈ പേരുപോലും തൻ്റെ മനസ്സിലേക്ക് വരുന്നത്..

 

തൻ്റെ അയൽക്കാരൻ, കളിക്കൂട്ടുകാരൻ, സഹപാഠി..

 

അവസാനം.. തൻ്റെ കാമുകൻ..

 

ഓർമ്മകളിൽ നിന്നും പുറത്തു വന്ന ജാസ്മിൻ ഒരു നിമിഷം ഫോണിലേക്ക് നോക്കി..

 

എന്തു ചെയ്യണം.. റിക്വസ്റ്റ് കൺഫോം ചെയ്യണോ? അതോ ഡിലീറ്റ് ചെയ്യണോ..?

 

വായിച്ചുകൊണ്ടിരുന്ന പുസ്തകത്തിലേക്കും ഫോണിലേക്കും ജാസ്മിൻ മാറി മാറി നോക്കി..