Posted by അവൾ അപ്പോഴൊക്കെ പലതും പറഞ്ഞ് ഒഴിഞ്ഞു. അങ്ങനെ ഇരിക്കെ അവൾക്ക് അവസാനം അവളുടെ വീട്ടിൽ പറയേണ്ടി വന്നു. ലിവിങ് ടുഗദർ ആണെന്ന് പറഞ്ഞില. പക്ഷേ വർഷങ്ങൾ ആയിട്ടുള്ള പ്രേമം ആണെന്ന് മാത്രം പറഞ്ഞു. ഒരേ കമ്മ്യൂണിറ്റി ആണെന്ന് കേട്ടപ്പോൾ അവളുടെ വീട്ടുകാർക്ക് വലിയ കുഴപ്പം ഇല്ലായിരുന്നു. അങ്ങനെ ഞാൻ എൻ്റെ വീട്ടിലും കാര്യങ്ങള് അവതരിപ്പിച്ചു.
പക്ഷേ എൻ്റെ വീട്ടുകാർക്ക് അവളുടെ ഫോട്ടോ കണ്ടപ്പോൾ തന്നെ ഇത് വേണോ എന്ന് എന്നോട് ചോദിച്ചു. ഇവളെ കാണാൻ നല്ല സൗന്ദര്യം ഉണ്ടെന്നും ഭാവിയിൽ എന്നെ ഇട്ടിട്ട് പോയാലോ എന്നൊക്കെ. ഞാൻ സഹികെട്ട് എൻ്റെ വീട്ടിൽ പറഞ്ഞു ഇവൾ ഇത്രയും വർഷം എൻ്റെ കൂടെ താമസിച്ചതും എല്ലാം. അപ്പൊൾ ആണ് അവർക്ക് ഒരു ധൈര്യം വന്നത്.
പക്ഷേ എൻ്റെ വീട്ടിലെ അവസ്ഥ കുറച്ച് വ്യത്യസ്തം ആയിരുന്നു. എത്ര സ്ത്രീധനം കിട്ടും എന്ന രീതിയിൽ ആയി കാര്യങ്ങൾ. അവളുടെ വീട്ടുകാർ ആവട്ടെ എല്ലാം ആഡംബരം ആയി നടത്തണം എന്നും. അവൾക്ക് കല്യാണം എന്ന ചടങ്ങ് തന്നെ വേണം എന്ന് പോലും ഇല്ലായിരുന്നു.
അതൊക്കെ എൻ്റെ വീട്ടിലോ അവളുടെ വീട്ടിലോ പറയാൻ പോലും പറ്റില്ലല്ലോ. ഇത്രയും നാള് എൻ്റെ കൂടെ ഒരുമിച്ച് ജീവിച്ചിട്ടും അവൾക്ക് കല്യാണം എന്നത് കമ്മിറ്റമെറ്റ് ആണെന്നും അതിൽ താല്പര്യം ഇല്ല എന്നും ആണ് പറഞ്ഞത്. വീട്ടുകാരുടെ നിർബന്ധ പ്രകാരം മാത്രം ആണ് അവൾ സമ്മതം പറഞ്ഞത് പോലും .
പതുക്കെ ഞങ്ങളുടെ ജീവിതം അവളുടെയും എൻ്റെയും വീട്ടുകാരുടെ കയ്യിൽ ഏല്പിച്ചത് പോലെ തോന്നി. എല്ലാ തീരുമാനങ്ങളും അവർ എടുത്ത് തുടങ്ങി. എൻ്റെ സേവിംഗ്സ് എല്ലാം പൊട്ടും എന്ന ടെൻഷൻ ആയി എനിക്ക്.