Posted by ഹോ.. തല പെരുക്കുന്നു. ഈ പെണ്ണുങ്ങൾക്ക് പടച്ചോൻ ഓരോ ഭാവങ്ങൾ
കൊടുക്കുന്നത്…! മനുഷ്യന് മനസ്സിലാകുന്ന രീതിയിലുള്ളതു വല്ലതും
കൊടുത്താപ്പോരായിരുന്നോ..ഇതൊരുമാതിരി….!
പെട്ടെന്നെന്നെ നടുക്കിക്കൊണ്ട് കുക്കറിൻ്റെ കന്നി വിസിൽ ഉയർന്നു…!
ചിന്തകളിൽ ആണ്ടുപോയിരുന്ന എനിക്ക് ആ ശബ്ദം ഒരു കിളി പറത്തുന്ന അനുഭവമായിരുന്നെങ്കിലും മറ്റൊരു വിധത്തിൽ അത് ശരിക്കുമൊരു റിലീഫുമായി പണ്ടാരം പിടിച്ച ആലോചനകളൊഴിഞ്ഞ് മനസ്സ് ക്ലീനായി…!
മൂന്ന് വിസിൽ വരെ കാത്തു നിന്ന് അടിപ്പിച്ച ശേഷം ബർണർ ഓഫാക്കിക്കഴിഞ്ഞപ്പോൾ ഒരു വലിയ പണി തീർത്തപോലൊരു സുഖം…!
ഇനി കറി വെക്കാനുണ്ട്. പക്ഷെ വേണ്ട.. വെറുതെ എന്തിനാ പറേപ്പിക്കുന്നെ..!
സമയം 10 ആയതേയുള്ളൂ. മേമ അല്ലെങ്കിൽ അമ്മമ്മ. ആരെങ്കിലും വരും നോക്കാം….!
എന്നാ കൊറച്ച് കഞ്ഞി ഉണ്ടാക്കിയാലോ… മേമ ഒന്നും കഴിക്കാത്തതല്ലേ… കുഞ്ഞിയാവുമ്പോ അങ്ങ് കുടിച്ചോളും…!
ഷെൽഫ് മൊത്തം തിരഞ്ഞ് ഒടുവിൽ കുത്തരി കണ്ടുപിടിച്ചു….!
അല്ലാ…ഇതിപ്പോ എങ്ങനാ വെക്കുന്നെ..? കുക്കറിൽ ഇട്ടിട്ട് പക്ഷെ എത്ര വിസിലെന്നറിയാതെ..ഏഹ്…! അമ്മമ്മയോടു ചോദിച്ചാലോ…! ൻ്റമ്മോ വേണ്ട….ആ നേരം കൊണ്ട് കോഴിക്കോട് പോയി വരാം….!
മ്ഹും…ഐഡിയ യൂട്യൂബ് നോക്കാം..അതിൽ ചിലപ്പോ കണ്ടേക്കും..!
‘ഹൌ ടു മേക്ക് നാടൻ കേരള കഞ്ഞി..?’
യൂട്യൂബ് തന്ന റിസൾട്ട് എൻ്റെ കണ്ണ് നിറച്ചു കളഞ്ഞു. ഒരു ടിപ്പറിൽ കൊള്ളുന്നത്ര വീഡിയോ……!
അയ്യെന്റെ കുഞ്ഞിമോനെ…!
ഈ മൈ..ലയാളികളെക്കൊണ്ട് ഒരു രക്ഷേം ഇല്ലാട്ടാ.. ഇനീപ്പോ അപ്പിയിടാൻ പഠിപ്പിക്കുന്ന വീഡിയോ കൂടെയേ ബാക്കിയുണ്ടാവു…!