Posted by മായയിൽ നിന്ന് അങ്ങനെ ഒരു പ്രതികരണം ഞാൻ പ്രതീക്ഷിച്ചില്ല,
ആ വാക്കുകളിൽ ദേഷ്യമായിരുന്നില്ല, മറിച്ച് വല്ലാത്തൊരു പ്രണയമായിരുന്നു.
ആ ചെറിയ ടെന്റിനുള്ളിലെ ചൂട് പുറത്തെ തണുപ്പിനെ തോൽപ്പിച്ചു കളഞ്ഞു. മഴയുടെ താളത്തിനൊപ്പം ഞങ്ങളുടെ ഹൃദയമിടിപ്പുകളും ഒരേ ലയത്തിലായി.
അവളുടെ പാതി നനഞ്ഞ തലമുടിയുടെ ഗന്ധം രാത്രി മുല്ലയെ പോലെ,
ഞാൻ : മായ, നിന്റെ മുടിക്ക് രാത്രി മുല്ലയുടെ മണം,
മായ : നിനക്ക് ഏറ്റവും ഇഷ്ടം രാത്രി മുല്ല ആണെന്ന് പറഞ്ഞത് ഓർമയുണ്ടോ ??? അതിന് ശേഷം എന്റെ ഷാംപൂവിന്റെ flavour ജാസ്മിൻ ആണ്,
ഞാൻ ഒരു നിമിഷം തരിച്ചു പോയി
ഞാൻ : അപ്പോൾ ഇത് ഇന്നും ഇന്നലെയും തുടങ്ങിയത് അല്ലല്ലേ ???
മായ അതിന് മറുപടി ഒന്നും പറഞ്ഞില്ല,
അവൾ മുഖം ഉയർത്തി എന്നെ നോക്കി, ആ നോട്ടത്തിൽ ഉണ്ടായിരുന്നു അവളുടെ സകല പരിഭവവും, അവളെ ഇത്ര നാൾ മനസ്സിലാക്കാത്തതിന്റെ പിണക്കം, അവൾ അവസരം ഏറെ തന്നിട്ടും അതൊന്നും തിരിച്ചറിയാൻ കഴിയാത്തതിൽ ഉള്ള നിരാശ,
ഒടുവിൽ ഇപ്പോഴെങ്കിലും നിനക്ക് എന്നെ മനസ്സിലായല്ലോ എന്ന സമാശ്വാസം,
തൃശൂർപൂരത്തിന് കുടമാറ്റം പോലെ അവളുടെ മുഖത്ത് ആയിരം ഭാവങ്ങൾ വന്ന് മിന്നി മറഞ്ഞു പോയി, ഒടുവിൽ പാതി നിറഞ്ഞ മിഴികൾ കൊണ്ട് എന്നെ എരിയിക്കും പോലെ അവൾ നോക്കി,
അവളുടെ ആ പാതി പ്രണയവും പാതി കാമവും കത്തുന്ന കണ്ണുകളിൽ നിന്ന് കണ്ണെടുക്കാൻ കഴിയാതെ ഞാൻ അവളെ നോക്കി,
ഒന്ന് കൂടി മുറുകെ അവളെ കെട്ടിപിടിച്ചു
വാക്കുകൾ വേണ്ടാത്ത ഏതോ ഒരു ഭാഷയിലാണ് ഞങ്ങൾ മിണ്ടുന്നത്, അതിൽ ഞാൻ അവളോട് അവളുടെ ചുണ്ടിൽ ചുംബിക്കാൻ അനുവാദം ചോദിച്ചു ,