Posted by അങ്ങിനെ ഇരിക്കെ അമ്മയും മകളും വീട്ടിൽ അവരൊത്തുള്ള കുറച്ചു ദിവസങ്ങൾ നല്ലപോലെ മനസറിഞ്ഞു സമയം ചിലവഴിച്ചു.. എന്നും ബഹുമാനത്തോടും അന്തസ്സോടും കൂടി ആണ് അവൾ അമ്മയെ കണ്ടിട്ടുള്ളൂ.. ജീവിതത്തിന്റെ ഒരു ഘട്ടത്തിൽ ചിലത് നഷ്ട്ടപ്പെട്ടെങ്കിലും അതൊന്നും കാര്യമാക്കാതെ അവളെ നല്ലപോലെ പുറത്തു വിട്ടു പഠിപ്പിച്ചു,അവൾക്ക് നല്ലൊരു ജീവിതം സമ്മാനിച്ച അവളുടെ ‘അമ്മ. ഒറ്റക്കാണെന്ന് കരുതി അവളെ കൂട്ടിന് പിടിച്ചിടാതെ അവളുടെ ഇഷ്ടത്തിന് നീങ്ങുന്ന തനിയെ ജീവിതം മുന്നോട്ട് കുണ്ടുപോവുന്ന അവളുടെ ധീരയായ ‘അമ്മ….
അങ്ങിനെ ഒരു രാത്രി സമീറിന്റെയും ലതികയുടെയും സ്ഥിരം ഫോണിലൂടെ ഉള്ള വിശേഷം പറച്ചിൽ നടക്കുന്ന സമയം അവൻ അവളോട് പറഞ്ഞുഃ
“ഞാൻ നസീമയുടെ വർക്ക് എടുക്കാമെന്ന് തീരുമാനിച്ചു,അവൾ അത്യാവശ്യം ഒക്കെ ഓഫർ ചെയ്തിട്ടുണ്ട്,അവളെ സഹായിക്കുന്നതിന് പകരമായി”… എന്നാൽ പൈസ കിട്ടുന്നതല്ലായിരുന്നു അവനവിടെ മുൻഗണന.. അതുകൊണ്ട് “ഇല്ല’ എന്ന് പറയാൻ അവന് പ്രയാസം തോന്നി.അവൾ എത്ര തരുന്നു എന്നുള്ളത് അവൻ വകവച്ചില്ല,കാരണം ലതികയെ ഇടക്ക് കാണാമല്ലോ എന്നുള്ളതാണ് അവൻ മനസ്സിൽ വന്നത്…
അതും അവൻ അവളോടായി പറഞ്ഞു….
അത് കേട്ട് അവളുടെ കണ്ണുകൾ അൽപ്പം നനഞ്ഞു തിളങ്ങി, പുഞ്ചിരി വിരിയുന്നതിനുമുമ്പ് ചെറു പല്ലുകൾ പിടിച്ചെടുത്തു…
“എന്റെ അടുത്ത് വരാതെ ഇരിക്കാൻ നിനക്ക് പറ്റില്ല എന്ന് എനിക്ക് അറിയാം”, അവൾ മൃദുവായി കാമുകിയെ പോലെ പറഞ്ഞു.”അതിനായി നീ ഏതു മാർഗവും സ്വീകരിക്കുമെന്നതും എന്നെ നിന്നോട് വല്ലാതെ അടുപ്പിക്കുന്നു”…