Posted by പെട്ടെന്നുള്ളയാ വിളിയിലൊന്നു കിടുങ്ങിപ്പോയ മീനാക്ഷി, എന്നെനോക്കീതും,
“”…ഉറങ്ങിക്കിടന്ന കുഞ്ഞിനെയുണത്തീപ്പോൾ
നെനക്കു സമാധാനമായല്ലോ… ഇനിയെന്താന്നുവെച്ചാ ആയിയ്ക്കോ..!!”””_ ന്നും പറഞ്ഞ്
ഞാൻ നൈസിനൂരി…
“”…നീ പിന്നാലേ വന്നോണ്ടല്ലേ ഞാനോടിയെ… അപ്പൊ കുഞ്ഞുണന്നേല് നെനക്കുംപങ്കുണ്ട്..!!”””
ഉറക്കംതെളിയാതെഴുന്നേറ്റ തക്കുടൂന്റെ ഡോൾബിശബ്ദത്തിലുള്ള കരച്ചിലടക്കാനായി ഹോളിലെ സോഫയിലേയ്ക്കിരുന്നു മീനാക്ഷി…
വാവാവോയും കളിപ്പീരുമൊന്നുമേൽക്കാതെ വന്നപ്പോൾ, അവൾ കുഞ്ഞിനെ കുലുക്കി ഓഫ്ചെയ്യാനൊരു ശ്രെമവുംനടത്തി…
“”…അതേ… കൂടുതല്
കുലുക്കണ്ട; പതയും..!!”””_
ചിരി കടിച്ചമർത്തിക്കൊണ്ടങ്ങനെ പറഞ്ഞതും,
“”…എടാ… ഒന്നുവാടാ… ഒന്നു സഹായിയ്ക്കടാ..!!”””_ ന്ന് മീനാക്ഷി കെഞ്ചുകയുംചെയ്തു….
“”…ഓ.! വേണ്ട… ഇനി ഞാൻ തൊട്ടൂന്നുംവെച്ച് കുഞ്ഞുണരണ്ട… നിങ്ങളായി നിങ്ങടെപാടായി..!!”””_ പിലാത്തോസിനൊരു കോമ്പറ്റീഷൻ കൊടുത്തുകൊണ്ട് പതിയെ ഞാൻ പിന്നോട്ടുവലിഞ്ഞു…
“”…എടാ… സോറീടാ… ഞാൻ മനസ്സിവെച്ചിട്ടു പറഞ്ഞതൊന്നുമല്ല… സത്യായ്ട്ടും ഒരബദ്ധംപറ്റീതാ..!!”””_ ദയനീയസ്വരത്തോടതു പറഞ്ഞശേഷം,
“”…നീയൊന്നെടുത്താൽ തക്കുടു കരച്ചിലുനിർത്തും… ഒന്നുവാടാ… പ്ലീസ്… പ്ലീസ്..!!”””_ വീണ്ടുമവൾ വാവിട്ടുകെഞ്ചീതും,
“”…മ്മ്മ്.! ഇങ്ങുതന്നേക്ക്..!!”””_ ന്നുംപറഞ്ഞു ഞാൻ
കുഞ്ഞിനെവാങ്ങി…
പക്ഷേ യാതൊരു
പ്രയോജനവുമുണ്ടായില്ലെന്നു
മാത്രമല്ല, അവന്റെ കീറലിരട്ടിയാവുകേം ചെയ്തു…