Posted by “”…ഓഹ്.! അങ്ങനൊന്നും പറയാമ്പാടില്ലേൽ ഇനി ചോദിയ്ക്കുന്നില്ല… ഞാനൊരു മര്യാദപ്പുറത്ത് ചോദിച്ചതാ… ഇഷ്ടായില്ലേൽ സോറി..!!”””_ ന്ന് പറഞ്ഞ ചേച്ചി;
“”…പറമ്പില് പണിക്കാരുണ്ട്…
അമ്മ രാവിലെയുള്ള കാപ്പിയുമായിപോയതാ…
ഇനിയിപ്പൊ ഉച്ചയ്ക്കുള്ളതിനുള്ളതിനായ്ട്ട് ആളെവിടും… അപ്പോഴേയ്ക്കുമെന്തേലും ആക്കിവെയ്ക്കണം..!!”””_ എന്നും തുടർന്നുകൊണ്ട് കണ്ണിൽക്കണ്ട പച്ചക്കറിയൊക്കെടുത്ത് അരിയാനും പിടിയ്ക്കാനുമൊക്കെ തുടങ്ങി…
പിന്നെയും പിടിച്ചുനിൽക്കാനെന്തോ എനിയ്ക്കും കഴിയുമായ്രുന്നില്ല…
ഇന്നലവരെ അത്രേം കമ്പനിയടിച്ചുനടന്നിട്ട് ഒരുനിമിഷംകൊണ്ട് ആരുമല്ലാത്തവസ്ഥയിലേയ്ക്കു മാറുന്നതെന്തോ എനിയ്ക്കങ്ങോട് സഹിയ്ക്കില്ലായ്രുന്നു…
എന്നാലെന്തേലും പറയാനായി തുടങ്ങുന്നതിനുമുന്നേ,
“”…ചേച്ചീ… ഞാമ്പറയാം..!!”””_
ന്നുള്ള വാക്കുകൾ മീനാക്ഷിയിൽനിന്നുമുയർന്നിരുന്നു…
അതിന്,
“”…മ്മ്മ്.! എന്നാപ്പറ..!!”””_ ന്ന് പറഞ്ഞുകൊണ്ട് ചേച്ചിതിരിഞ്ഞു ഞങ്ങളെനോക്കി കൈചുറ്റിനിന്നു…
പിന്നെ താമസിച്ചില്ല; അന്നുവരെനടന്നതെല്ലാം വള്ളിപുള്ളിതെറ്റാതെയവൾ ചേച്ചിയ്ക്കുമുന്നിൽ വിസ്‌തരിച്ചു…
എല്ലാംകേട്ടുകഴിഞ്ഞപ്പോൾ കണ്ണുംതള്ളി ഞങ്ങളെ
മാറിമാറിയൊരു
നോട്ടമായ്രുന്നാ പാവം…
“”…ഇത്രയൊക്കെ
കാണിച്ചുകൂട്ടീട്ടാണോ പിള്ളേരേ നീയൊക്കിങ്ങനെ നടന്നേ..??”””_ കുറച്ചുനേരത്തെ നിശബ്ദതയ്ക്കൊടുവിൽ ചേച്ചിചോദിച്ചെങ്കിലും ഞങ്ങളൊന്നുംമിണ്ടീല…
അല്ലേത്തന്നെ എന്തുമിണ്ടാനിരിയ്ക്കുന്നു..??