Posted by ശേഷം,
നനഞ്ഞഡ്രെസ്സുമഴിച്ചിട്ട് ഒന്നു കുളിച്ചുറെഡിയായി വരുമ്പോഴാണ് ഡോറിലൊരു മുട്ടലുകേട്ടത്…
“”…സിദ്ധൂ… എങ്ങനുണ്ടടാ അവൾക്ക്..??”””_ പിന്നാലേ അമ്മയുടെ ചോദ്യവുമെത്തി…
അതോടെ തെക്കുവടക്കുകിടന്ന മീനാക്ഷിയെ നേരേയാക്കി നന്നായൊന്നു പുതപ്പിച്ചു കിടത്തിയ ശേഷം ഡോറുതുറക്കുമ്പോൾ അത്രയുംനേരം പുറത്തുകാത്തുനിന്ന അമ്മ അകത്തേയ്ക്കുവന്നു…
“”…വാളുവെച്ചു… അങ്ങനെയൊന്നു കുളിപ്പിച്ചതാ..!!”””_ അവരെന്തേലും ചോദിയ്ക്കുന്നതിനുമുന്നേ അങ്ങോട്ടുകേറി ഞാൻപറഞ്ഞു…
“”…മ്മ്മ്.! മുടി നന്നായ്ട്ടുണക്കീലേ..??”””_ ചോദിച്ചശേഷം അമ്മ അവൾടടുത്തേക്കിരുന്നു…
കുറച്ചുനേരം അവൾക്കടുത്തിരുന്നെങ്കിലും മുറി വൃത്തിയാക്കാൻ അവരെ വിളിക്കാഞ്ഞതിലുള്ള പരിഭവമായിരുന്നു പറഞ്ഞതുമുഴുവൻ…
കുറേക്കഴിഞ്ഞമ്മ ചായയെടുക്കാനായി താഴേയ്ക്കുപോയതും ഞാനും പിന്നാലെ വിട്ടു …
…എന്താണവിടത്തവസ്ഥ എന്നറിയണോലോ..??
ചെയ്തുകൂട്ടിയേന് ഇന്നിവടന്നിറങ്ങേണ്ടി
വരോന്നുപോലും സംശയമില്ലാതില്ല…
അതോണ്ടെങ്ങനേലും ചെന്ന് ഇതെല്ലാമുണ്ടാക്കീത് മീനാക്ഷിയാന്നും മനസ്സാവാചാകർണ്ണാടകാ എനിയ്ക്കിതിലൊരു പങ്കുമില്ലെന്നുമവരെ ബോധിപ്പിയ്ക്കണം.!
അതിനായി ഒന്നും സംഭവിയ്ക്കാത്തമട്ടിൽ ചങ്ക് കല്ലാക്കിക്കൊണ്ടുതന്നെയാണ് ഞാനങ്ങോട്ടേയ്ക്കു ചെന്നത്…
ഡൈനിങ് ഹോളിലെത്തുമ്പോൾ ജോക്കുട്ടനിരുന്നു ചായകുടിയ്ക്കുന്നു…
മടിയിൽ തക്കുടുവുമുണ്ട്…
അവനെക്കണ്ടതും,
“”…ആഹാ.!
ജോക്കുട്ടനോ..?? മ്മ്മ്..?? നീയെന്താനേരത്തെ..??”””_ ന്ന് കുറച്ചു ഗൗരവത്തിൽതന്നങ്ങ് ചോദിച്ചു…