🏘️ബോസ്റ്റൻ ബംഗ്ലാവ് 19 [Gladiator]

പെട്ടെന്ന് അരികിൽ ആരോ ഉണ്ടെന്ന് 6ത് സെൻസ് പോലെ തോന്നിയ ജൂലി കണ്ണുതുറന്ന് നോക്കി “ഡെയ്സി.. മോളേ..നീയാണോ… നീ എന്തിനാ ഇങ്ങോട്ട് വന്നത്? ഞാൻ പറഞ്ഞിട്ടില്ലേ അച്ഛൻ കണ്ടാൽ….”പാതി തുറന്ന കണ്ണുകളോടെ ജൂലി ചോദിച്ചു.

“ ജൂലി..സോറി ഇത് ഞാനാണ് ലൈല… രാത്രി…രാത്രി ഞാനൊരു സ്വപ്നം കണ്ടു പേടിച്ചുപോയി…എനിക്ക് എനിക്ക് സേഫ് ആയിരുന്നു എങ്ങോട്ടേലും വരാൻ തോന്നി പെട്ടെന്ന് ഇങ്ങോട്ട് വന്നു…സോറി സോറി സോറി..”ഒറ്റ ശ്വാസത്തിൽ ലൈല പറഞ്ഞു.

“ലൈലാ…?” മുറിക്കുള്ളിൽ ലൈലയെ കണ്ട ജൂലി അന്താളിച്ചു പോയി. അവൾ ബെഡിലേക്ക് കയറിയിരുന്നു. തന്റെ അരികിൽ കൂർക്കം വലിച്ചു കിടന്നുറങ്ങുന്ന ഭർത്താവിനെ നോക്കിയ ശേഷം വീണ്ടും ലൈലക്ക് നേരെ മുഖം തിരിച്ചു. “ ലൈലാ..എന്താ ഇത്..? ഇതെന്റെ ബെഡ്റൂമാണ്.ഈ സമയത്താണോ ബെഡ്റൂമിൽ കയറി വരുന്നത്” ലൈലയോടുള്ള നീരസം ജൂലി പ്രകടിപ്പിച്ചു.

“ ഞാൻ.. ഞാൻ സ്വപ്നത്തിൽ കണ്ടത് അവനെയാണ്.. ഫെഡറിക്ക്…കത്രീനയുടെ ഭർത്താവിനെ.. ആദ്യം കണ്ടപ്പോൾ പെട്ടെന്ന് മനസിലായില്ല..പിന്നേയ അവനാണെന്ന് മനസിലായത്.. കത്രീനയോട് അവൻ ചെയ്ത ക്രൂരതകൾ ഒക്കെ എനിക്കറിയാം..” ശബ്ദം താഴ്ത്തി ഒറ്റ സ്‌ട്രെച്ചിൽ ലൈല പറഞ്ഞു.

“ങേ…” ഫെഡറിക്കിന്റ കാര്യം കേട്ടതും ലൈലയോട് ജൂലിക്ക് അല്പം സിംപതി തോന്നി. ലൈലയെ ഏതൊക്കെ രീതിയിൽ അയാൾ ഭയപ്പെടുത്തിയിട്ടുണ്ടാകും എന്ന് ജൂലിക്ക് ഊഹിക്കാവുന്നതേ ഉള്ളായിരുന്നു. ജൂലി ലൈലയുടെ അരികിലേക്ക് നീങ്ങിയ ശേഷം അവളെ മോൾക്ക് ചുറ്റിപ്പിടിച്ച് തന്നോട് അടുപ്പിച്ചു നിർത്തി “പേടിക്കേണ്ട.. ഞാനുണ്ട്…. യു ആർ സേഫ്” ലൈലയുടെ മുടിയുടെ ഷാമ്പുവിന്റെ സുഗന്ധം ജൂലിയുടെ മൂക്കിലേക്ക് ഇരച്ചുകയറി.