Posted by കണ്ണുകൾക്കൊണ്ടൊന്നു പരതിയപ്പോൾ, ഭിത്തിയോടു ചേർന്നുകിടന്ന ബെഞ്ചിലിരുന്ന് കള്ളടിച്ചോണ്ടിരുന്ന ഒരമ്മാവന്റെ മുന്നിലിരിയ്ക്കുന്നു…
…നാറി.! ഒറ്റ ഞെക്കിനങ്ങു കൊന്നുകളഞ്ഞാലോ..??!!
“”…കപ്പയ്ക്ക് നല്ല റ്റേസ്റ്റാട്ടോ..!!”””_ അയാൾടെ മുന്നിലിരുന്ന പ്ളേറ്റിൽനിന്നും കപ്പയെടുത്ത് മീൻകറിയിൽ മുക്കിക്കൊണ്ടുള്ള മീനാക്ഷിയുടെ അഭിപ്രായമായ്രുന്നൂ അത്…
ഉടനെ ഞാനങ്ങോട്ടേയ്ക്കോടുവായ്രുന്നൂ…
കൂട്ടത്തിൽ,
“”…കഴിയ്ക്കാൻ സമ്മയ്ക്കല്ലേ ചേട്ടാ… തുടങ്ങിയാപ്പിന്നെ നിർത്തൂല..!!”””_ എന്നറിയാതെ വിളിച്ചുകൂവുകേം ചെയ്തു…
“”…മീനാഷീ… നീ വെർതേ അലമ്പുകാണിയ്ക്കല്ലേ… വായെഴുന്നേറ്റ്..!!”””_ അടുത്തുചെന്നവൾടെ കൈയ്ക്കു പിടിച്ചുവലിച്ചെങ്കിലും അവടിരുന്നു കുതറുകയല്ലാണ്ട് അവളെഴുന്നേറ്റില്ല…
പകരം, അമ്മാവൻ കുടിച്ചോണ്ടിരുന്ന കുപ്പിയിൽ ഉറ്റുനോക്കുവാണ്…
ഒന്നുതാഴെവെച്ചാൽ അപ്പോൾ റാഞ്ചിക്കൊണ്ടുപോകും, അതാണവസ്ഥ…
അതുമനസ്സിലാക്കിയാവണം അയാൾ കുപ്പി താഴെവെയ്ക്കുന്നുമില്ല…
“”…മോനേ… ദാ… എല്ലാംകൂടി…”””_ ഒരു തുണ്ടുപേപ്പറെന്റെ നേരേനീട്ടി കടക്കാരൻപറഞ്ഞതും, താനിതുവരെയിതു വിട്ടില്ലേന്നമട്ടിൽ ഞാനൊരു നോട്ടംനോക്കി…
ശേഷം, അതുമേടിയ്ക്കുവേം ചെയ്തു…
‘എല്ലാംകൂടിമൊത്തം’ രണ്ടായിത്തി ഇരുന്നൂറ്റിപ്പത്തുരൂപയ്ക്ക് തിന്നേക്കുവാ…
എന്നിട്ടാണാ പാവപ്പെട്ടവൻ കുപ്പി താഴെവെയ്ക്കുന്നതിനായി താടിയ്ക്കു കൈയുംകൊടുത്ത് കാത്തിരിയ്ക്കുന്നത്…
ഇവളെയൊക്കെ.!
“”…മോനേ കാശ്..!!”””_ അയാളെന്നെ ദയനീയമായിനോക്കി…