Posted by …കോപ്പ്.! ഏതെരണംകെട്ട നേരത്താണോ ഫോട്ടോയെടുക്കാൻപറയാൻ തോന്നീത്..?? നാശം.!
പ്രാകിക്കൊണ്ടു പിന്നലെചെന്നപ്പോൾ ഷൂസൂരിവെച്ച്, കാൽവണ്ണയോളംപോന്ന ജീൻസിനെ കുറച്ചൂടെമേലേയ്ക്കു വലിച്ചുകയറ്റുകയായ്രുന്നു മീനാക്ഷി…
കിലുങ്ങാൻപാകത്തിന് ഞാന്നുകിടക്കുന്ന മുത്തുകളുള്ള സ്വർണ്ണപാദസരവും വെളുത്തുകൊഴുത്ത കാൽവണ്ണയും നഗ്നമാക്കി, കാൽമുട്ടിനുതാഴെയായി ജീൻസിന്റെകീഴ്ഭാഗം സ്ഥാനംപിടിച്ചപ്പോൾ അവൾ കാലുനീട്ടി വെള്ളത്തിലേയ്ക്കിറങ്ങി…
അവള് പാന്റ്സുയർത്തി വെച്ചിരുന്നതിന്റെ തൊട്ടുതാഴെവരെയേ അവിടെ വെള്ളമുണ്ടായ്രുന്നുള്ളൂ…
“”…എടുക്കട്ടേ..??”””_ ഫോണുംപിടിച്ചുനിന്ന് ഞാൻചോദിച്ചു… ഒരു പരിധിയ്ക്കുമീതേ എന്റെ ക്ഷമനശിച്ചെങ്കിലും, ചോദിച്ചുടനേ ഒരു മടിയുംകൂടാതെന്റെ ഫോട്ടോയെടുത്തു തന്നതാണല്ലോന്നോർത്തുമാത്രം ഞാൻ സഹിയ്ക്കുവായ്രുന്നു…
…അല്ലേലും സിദ്ധാർഥ് നന്ദിയുള്ളോനാ… അല്ലാതെ തിരിച്ചുപോകാൻ വഴിയറിയാത്തോണ്ട് സയ്ച്ചുനിൽക്കുന്നതൊന്നുവല്ല… ഏത്..??!!
അവളുടെ മൂന്നുനാല് ഫോട്ടോയെടുത്തതും ക്യാമറയിൽതെളിഞ്ഞ വിഷ്വൽസ്കണ്ടിട്ട് ഇരിയ്ക്കപൊറുതിയില്ലാതെ ഞാനുമവളെക്കൊണ്ടെടുപ്പിച്ചു, അതേഫ്രെയ്മിൽ രണ്ടുമൂന്നു ഫോട്ടോസ്…
അതിനൊരു മടിയുംകൂടാതെ അവളെടുത്തു തരികയുംചെയ്തു…
ശേഷം,
“”…എടാ… ഈ ഫോണൊന്നുപിടിച്ചേ… ഞാനാ മീനെപ്പിടിയ്ക്കട്ടേ..!!”””_ ന്നും പറഞ്ഞവൾ ഫോണെന്റെനേരേ നീട്ടി…
മറ്റൊന്നുമോർക്കാതെ അതുവാങ്ങിയശേഷം തടാകത്തിന്റെവശത്തെ കൽത്തിട്ടയിലേയ്ക്കിരുന്നതും അവൾ ഷോളൂരി കയ്യിലെടുത്തു…