🏘️ബോസ്റ്റൻ ബംഗ്ലാവ് 15 [Gladiator]

“ദാ.. വരുന്നു..”അവൾ പുറത്തേക്ക് വിളിച്ചു പറഞ്ഞു.

ബംഗ്ലാവിൽ നടന്ന സംഭവത്തോട് ആന്റണി എങ്ങനെ പ്രതികരിക്കുമെന്ന് ലൈലക്ക് അറിയില്ലായിരുന്നു.അവൾ വസ്ത്രം എടുത്തിട്ട് പുറത്തേക്ക് പേടിയോടെ ഇറങ്ങി.

“എ.. എന്താ പറ്റിയത്…?” കട്ടിലിൽ കിടന്നിരുന്ന ആന്റണി തല ഉയർത്തി ലൈലയോട് ചോദിച്ചു.അവന്റെ മുഖം വിളറിയിരുന്നു.

“നി.. നിങ്ങൾക്ക് എന്താ ഓർമ്മ ഉള്ളത്…?” ഉൾഭയത്തോടെ ലൈല ആന്റണിയുടെ അരികിൽ ഇരുന്നു. അവന്റെ നെഞ്ചിൽ മെല്ലെ അവൾ തടവി ആശ്വസിപ്പിച്ചു. ഭർത്താവിന്റെ അടുത്ത മറുപടിക്കായി അവൾ ശ്വാസം അടക്കിയിരുന്നു.

“നമ്മൾ.. നമ്മൾ രാത്രി ബംഗ്ലാവിലേക്ക് പോയി.. ആ പയ്യനെ വിളിച്ചിറക്കി….”ആന്റണി നെറ്റിയിൽ കൈ വെച്ചു ബാക്കി ഓർത്തെടുക്കാൻ ശ്രമിച്ചു… “പിന്നെ.. പിന്നെ..ആ പയ്യനെ നമ്മൾ തുറന്ന് കിടന്ന ആ മുറിയിലേക്ക് കൊണ്ട് പോയി…പിന്നെ…” ആന്റണി ഒന്ന് നിർത്തി.അവന് കഴിഞ്ഞ കാര്യങ്ങൾ ഓർത്തെടുക്കാൻ ബുദ്ധിമുട്ട് ഉണ്ടായിരുന്നു “പിന്നെ.. ആ പയ്യന് ക്ലോറോഫോം വെച്ചപ്പോൾ എന്റെ മുഖത്തും പറ്റിയെന്നു തോനുന്നു..”

“യെസ്…അത്. അത് തന്നെയാ നടന്നത്”ഒരു സെക്കന്റ്‌ പോലും വൈകാതെ ഭർത്താവ് പറഞ്ഞത് ലൈല ശരിവെച്ചു.നുണ അധികം പറയാത്ത വ്യക്തിയാണ് ലൈല, എങ്കിലും ഈ അവസരത്തിൽ നുണ പറഞ്ഞില്ലെങ്കിൽ ജീവിതം കോഞ്ഞാട്ട ആകുമെന്ന് അവൾക്ക് അറിയാം. ഭർത്താവിന് ആ റൂമിൽ നടന്ന കാര്യങ്ങൾ തൽക്കാലം ഓർമയില്ല എന്ന് മനസ്സിലായതും ലൈല ആശ്വാസത്തോടെ നെടുവീർപ്പിട്ടു.

“എന്നിട്ട്…? എന്നിട്ട് നീയാണോ എന്നെ വീട്ടിൽ കൊണ്ട് വന്നെ.. അതും ഒറ്റക്…?