🏘️ബോസ്റ്റൻ ബംഗ്ലാവ് 14 [Gladiator]

“അവനെന്തെങ്കിലും പറ്റിയോ…?” ലൈല ആന്റണിയുടെ അടുത്തേക്ക് നിന്നുകൊണ്ട് ചോദിച്ചു.

“ഇല്ല.. മയക്കത്തിലാ…”ആന്റണി അവളെ നോക്കി.. “ പക്ഷെ പ്ലാനിൽ ചെറിയ മാറ്റം ഉണ്ട്.ഇവനെയും കൊണ്ട് കാറിൽ പോകുന്നത് റിസ്ക് ആണ്. ദാ ആ മുറിയിൽ വെച്ച് exorcism നടത്താം.” ആന്റണി ഓപ്പൺ ആയി കിടന്ന സീക്രെട് റൂം ചൂണ്ടി പറഞ്ഞു. “അവരാ റൂം തുറന്നത് നന്നായി.അന്ന് റൂമിന് പുറത്ത് നിന്ന് നമ്മുടെ മെഷീൻ വെച്ചു നോക്കിയപ്പോൾ അകത്തെ

സിഗ്നൽസ് കിട്ടാൻ പാടായിരുന്നല്ലോ.. സോ റൂം സൗണ്ട് പ്രൂഫ് ആയിരിക്കും.നമ്മുടെ ആവശ്യങ്ങൾക്ക് ആ റൂം ആവും ബെസ്റ്റ് “ ആന്റണി പറഞ്ഞു.

“നമ്മുടെ പഴയ പ്ലാൻ തന്നെയല്ലേ നല്ലത്.. ഇവനേയും കൊണ്ട് കാറിൽ നമ്മുടെ സ്ഥലത്തേക്ക് പോകാം.അവിടെ വെച്ചു ഇവന്റെ ഉള്ളിലെ ഈവിൾ സ്പിരിറ്റിനെ ഇല്ലാതാക്കിയാൽ പോരെ…?..” സ്വന്തം കരുത്തിൽ ലൈലക്ക് സംശയം ഉണ്ടായിരുന്നു. തങ്ങൾ തലമുറകൾ ആയി കൈമാറി വന്ന മാന്ത്രിക കല്ല് ഈ ബംഗ്ലാവിലെ ആത്‍മാക്കൾ തകർത്തു കളഞ്ഞു. എന്തിനധികം പറയുന്നു,തന്നെപ്പോലും വെറുമൊരു വേശ്യയുടെ സ്വഭാവത്തിലേക്ക് ഇവിടുള്ള ആത്‍മാക്കൾ അധഃപതിപ്പിച്ചില്ലേ..? ലൈല ഓർത്തു.

“നീ ഇങ്ങനെ ഭയക്കാതെ….” റൂമിലേക്ക് കയറിയ ആന്റണി ഡാനിയെ നിലത്തേക്ക് കിടത്തി “നീ കിച്ചണിൽ പോയി ഉപ്പ് എടുത്തിട്ട് വാ..”ലൈലയോട് അവൻ പറഞ്ഞു.

ലൈല കിച്ചണിൽ നിന്നും ഉപ്പുമായി വന്നപ്പോഴേക്കും ആന്റണി ഡാനിയെ റൂമിലെ ചാരുകസേരയിൽ കെട്ടി ഇട്ടിരുന്നു. ഇരുട്ട് വീണ ആ മുറിയിലെ ടേബിളിൽ ഇരുന്ന മണ്ണെണ്ണ വിളക്ക് ആന്റണി ലൈറ്റർ കൊണ്ട് കത്തിച്ചു.മുറിയാകെ വിളക്കിന്റെ വെളിച്ചം നിറഞ്ഞു.