🏘️ബോസ്റ്റൻ ബംഗ്ലാവ് 7 [Gladiator]

https://allthepics.net/image/AiCXP

“യു ആർ എ ഫൂൾ, മിസ്റ്റർ ജോർജ് .” ആ അപരിചിതനായ മനുഷ്യൻ്റെ പരുഷമായ ശബ്ദം ജോർജിന്റെ ചെവിയിൽ പതിഞ്ഞു.

“മണ്ടനോ…? ഞാനോ…?എന്തുകൊണ്ട്?” ജോർജ്ജ് ആ മനുഷ്യന്റെ അരികിൽ നിന്ന് ഓടിപ്പോകാൻ ആഗ്രഹിച്ചു, പക്ഷേ തൻ്റെ കുതിരയെ എങ്ങനെ ചലിപ്പിക്കണമെന്ന് അവനറിയില്ലായിരുന്നു.

“പിന്നല്ലാതെ.. നീ ഇവിടെ കുതിരപ്പുറത്തു ഇരുന്നോ…നിൻറെ മൂക്കിന്റെ തുമ്പത്ത്കൂടെ അല്ലേ അവർ കിടന്ന് കുതിര കളിക്കുന്നത്.. ഹ ഹ…”ഫെഡറിക്ക് പൊട്ടിച്ചിരിച്ചു.ആ കുതിരപ്പുറത്തു ഇരുന്ന അപരിചിതൻ ഫെഡറിക്ക് ആയിരുന്നു. കത്രീനയുടെ ഭർത്താവ്.

“കുതിരകളിയോ…ആര്..? അല്ല.. താൻ ആരാ..?”

“ഞാനോ.. ഞാൻ ഫെഡറിക്ക്.. ഫെഡറിക് അൻഡേഴ്സൻ. ഈ ബംഗ്ലാവിന്റെ അവകാശി” അവൻ കടുത്ത സ്വരത്തിൽ പറഞ്ഞു.

ആ പേര് കേട്ടതും അവന്റെ നെഞ്ചോന്ന് പിടഞ്ഞു. നൂറ്റാണ്ടുകൾക് മുമ്പ് ഈ ബംഗ്ലാവ് പണിതവൻ മുന്നിൽ നിക്കുന്നു എന്നറിഞ്ഞ ജോർജ് ഭയന്ന് അനങ്ങാൻ കഴിയാതെ നിന്നു.

പെട്ടെന്ന് കത്തിജ്വലിച്ചു നിന്ന സൂര്യൻ ആകാശത്തു നിന്നും മാഞ്ഞുപോയി. ചുറ്റും ഇരുട്ട് പരന്നു.താമസിയാതെ, നിഴലുകൾ ഭൂമിയിലെ പുൽത്തകിടികളിലേക്കും പരന്നു. ജോർജ്ജ് തൻ്റെ കുതിരയെ ഓടാനായി ചവിട്ടിയെങ്കിലും അത് അനങ്ങിയില്ല.ഫെഡറിക്ക് ചിരിച്ചുകൊണ്ട് ജോർജിന്റെ അരികിലേക്ക് ചാഞ്ഞു.ജോർജ്ജ് നിലവിളിച്ചു, ഇരുട്ട് അവനിലേക്ക് നീങ്ങി. കറുപ്പ് അല്ലാതെ മറ്റൊന്നും അവന് ചുറ്റും ഉണ്ടായിരുന്നില്ല. 

“അയ്യോ..”എന്ന് നിലവിളിച്ചുകൊണ്ട് ജോർജ് ഉറക്കത്തിൽ നിന്നും എഴുനേറ്റു.അവൻ്റെ കിടപ്പുമുറിയുടെ ജനലിലൂടെ തണുത്ത പ്രഭാത സൂര്യപ്രകാശം അവിടമാകെ പരന്നു.അരികിൽ പുതച്ചു മൂടി കിടക്കുന്ന ജൂലിയുടെ മേൽ അവൻ കൈ വെച്ചു നോക്കി,അവൾ ഇപ്പോഴും ഉറക്കത്തിൽ ആണ്. മെല്ലെ മെല്ലെ അവൻ ഓക്കേ ആയി. “ഹോ.. എന്തൊരു സ്വപ്നം ആയിരുന്നു.