Posted by “”…ചിലതൊക്കെയിങ്ങനാടീ… എത്രകേട്ടാലും ഒരു നാണോമ്മാനോം കാണില്ല..!!”””
“”…ഏയ്‌.! അങ്ങനൊന്നൂല്ല… ഇന്നൂടിയാച്ചേച്ചി വരുവാണേല് പുള്ളിയ്ക്കു നാണമ്മന്നോളും… കണ്ടിട്ടില്ലേ, ആ ചേച്ചി കോളേജിലിട്ട് ബോയ്സിനെയൊക്കെ പൊരിയ്ക്കുന്നത്..!!”””
“”…അതേ… വല്ലാത്തൊരു ജാതിയാ മോളേ….. അതിനാണുങ്ങടെ തന്റേടമാ..!!”””_ അവർതമ്മിൽ കുശുകുശുക്കുന്നതിനിടയിൽ അവളുമാരുടെ ശബ്ദമിടയ്ക്കുയരുന്നതും കണ്ണുകളെന്നിലേയ്ക്കു പാളുന്നതുമൊക്കെ ഞാനും ശ്രെദ്ധിയ്ക്കുന്നുണ്ടായ്രുന്നു…
എന്നാൽ പല്ലുകടിച്ചിരുന്നാ അപമാനംമുഴുവനും ഞാൻ സഹിച്ചു;
…നീയൊക്കെ നോക്കിക്കോടീ… ലവനിങ്ങുവന്നോട്ടേ… അപ്പോളറിയാം ഈ സിദ്ധാർഥാരാന്ന്… അപ്പോഴുമീ ചിരിയൊക്കെ കണ്ടാമതി..!!_ എന്നെ പേടിപ്പിച്ചു മൂത്രമൊഴിപ്പിയ്ക്കാനുള്ള ഉദ്ദേശമാണോന്ന് സംശയമുള്ളതിനാൽ ഞാനിരുന്നു മനസ്സിൽ പിറുപിറുത്തു…
അപ്പോഴാണ്,
“”…എടീ… ദേ… ദേ മീനാക്ഷിയേച്ചി വരുന്നു..!!”””_ എന്നൊരുത്തി നീട്ടിവിളിച്ചതു കേൾക്കുന്നത്…
അതുകേട്ടതും, മറ്റവൻവരുമ്പോൾ ഇടിച്ചു ഷൈൻചെയ്യണമെന്നു കരുതിയിരുന്ന എന്റെ പാവം നെഞ്ചൊന്നുപിടഞ്ഞു…
അപ്പോഴേയ്ക്കും അവിടെ നിന്നവൾമാരുടെ കണ്ണുമുഴുവൻ എന്റെമേലേയ്ക്കു വീണിരുന്നു…
നീയൊക്കെ ഇങ്ങനെനോക്കാൻ ഞാനെന്താടീ പെറ്റുകിടക്കുവാണോന്ന മട്ടിൽ അവളെയൊക്കെ ചുഴിഞ്ഞുനോക്കിയിട്ട് ഇതൊന്നുമൊരു വിഷയമേ അല്ലെന്നഭാവത്തിൽ ഞാൻ ലെവനേം വെയ്റ്റ്ചെയ്ത് അവിടെത്തന്നെയിരുന്നു…
“”…ദേ… ചേച്ചീ… ഇയാള് പിന്നേമ്മന്നു..!!”””_ അക്കൂട്ടത്തിൽ നിന്നയൊരുത്തി എന്നെ ചൂണ്ടിക്കൊണ്ടുപറഞ്ഞതു കേൾക്കുമ്പോഴാണ് നിലത്ത് ബാറ്റിന്റെയടിഭാഗമിട്ട് കുത്തിക്കളിച്ചുകൊണ്ടിരുന്ന ഞാൻ മുഖമുയർത്തിനോക്കുന്നത്…
അപ്പോഴേയ്ക്കും മീനാക്ഷി ആടിത്തുള്ളിയെന്റെ മുന്നിലെത്തിയിരുന്നു… അതിനർത്ഥം മീനാക്ഷിയോടാണവൾ ഞാൻ പിന്നെയുമെത്തിയെന്നുള്ള പരാതി ബോധിപ്പിച്ചിരുന്നതെന്നല്ലേ..??