Posted by “”…എന്ത് കള്ളത്തരം..?? മനസ്സിലായില്ല..!!”””_ ഞാൻ ചോദ്യഭാവേന അവളെ നോക്കിയപ്പോൾ തല തുവർത്തിക്കൊണ്ടിരുന്ന ടവൽ എന്റെനേരേയെറിഞ്ഞിട്ട് മീനാക്ഷിപാഞ്ഞ് എന്റെനേരേ വന്നു…
“”…ദേ… നീയാരോടാ പൊട്ടൻ കളിയ്ക്കുന്നേന്ന് മറന്നിട്ട് സംസാരിക്കല്ലേ… നിന്റെ സകല ഉടായിപ്പിനും കൂട്ടുനിൽക്കുന്ന എന്നെ പൊട്ടിയാക്കാൻ നോക്കിയാലുണ്ടല്ലോ..!!”””_ അവളെന്റെ കവിളിൽനുള്ളിയപ്പോൾ ഞാൻ കൈ പിടിച്ചുമാറ്റിക്കൊണ്ട് അവളുടെനേരേ നോക്കി…
അപ്പോളവൾ തുടർന്നു…
“”…സത്യമ്പറേടാ… എപ്പോഴും ബാൽക്കണീൽ പോയി നിയ്ക്കുന്നത് അപ്പുറത്തെ ഫ്ലാറ്റിലെയാ പഞ്ചാബിപ്പെണ്ണിനെ നോക്കാനല്ലേ..??”””_ അവളെന്റെനേരേ ചുഴിഞ്ഞുനോക്കിയപ്പോൾ എനിയ്ക്കു ദേഷ്യംവന്നു…
“”…എന്റെ ലിസ്റ്റിൽ ആ പെണ്ണിന്റെ പേരെപ്പോഴെങ്കിലും പറഞ്ഞിട്ടുണ്ടോ..??”””
“”…ഇല്ല..!!”””_ ഒന്ന് ചിന്തിയ്ക്കുകപോലും ചെയ്യാതെ മറുപടിവന്നു…
“”…എന്നാലത്രേയുള്ളൂ… പുതിയതായ്ട്ടാരേം ലിസ്റ്റിൽചേർത്തിട്ടില്ല… ചേർക്കുമ്പോളറിയിയ്ക്കാം… പോരേ..??”””
ഞാൻ കുറച്ചു കലിപ്പിൽത്തന്നെ മറുപടിപറഞ്ഞിട്ട് ബെഡിൽനിന്നുമെഴുന്നേറ്റ് പോകാനൊരുങ്ങിയതും അവളെന്നെ വട്ടം കേറിനിന്നു…
“”…അങ്ങനെ പെണങ്ങിപ്പോവൊന്നും വേണ്ടാ… ചോദിച്ചത് ഞാനങ്ങുതിരിച്ചെടുത്തു… വാ… വന്നിരിയ്ക്ക്..!!”””
“”…വേണ്ട… ഞാൻ ബാൽക്കണിയിലൊന്നും പോവില്ല… കിച്ചനിലുണ്ടാവും…. പെട്ടെന്നങ്ങു വന്നാമതി..!!”””_ പറഞ്ഞുകൊണ്ട് കൈ വിടുവിയ്ക്കാൻ ശ്രെമിച്ചതും അവൾ പിടിയുടെ മുറുക്കംകൂട്ടി…