“ആഗ്രഹമൊക്കെ കൊള്ളാം, പക്ഷെ ഒരു ചെറിയ പ്രശ്നമുണ്ട് ഏട്ടത്തീ……….അത് നടക്കില്ല.” ശംഭുവും കലിപ്പിലാണ്.
“രുദ്ര പറഞ്ഞ കഥകളൊക്കെ നീ വിശ്വസിച്ചു എന്നെനിക്കറിയാം. എനിക്കും വിശ്വാസമാണ്.പക്ഷെ ഈ വന്നത് രുദ്രയാണെന്ന് എന്താ നിനക്കിത്ര ഉറപ്പ്…….അതറിയണം എങ്കിൽ നീ എനിക്കൊപ്പം നിക്ക്, അല്ലെങ്കിൽ അവളെക്കൊണ്ട് പറയിക്ക്.”
ദിവ്യ അവന്റെ തോളിൽ പിടിച്ചു പിന്നിലേക്ക് തള്ളിമാറ്റിയശേഷം അവിടെനിന്നും നടന്നകന്നു. അവൻ പിറകോട്ട് വേച്ചുപോയി. അവൾ പോകുന്നത് നോക്കിനിക്കാനെ അപ്പോൾ അവന് കഴിഞ്ഞുള്ളു.അവസാനം അവൾ പറഞ്ഞ വാക്കുകൾ അവന്റെ ചെവിയിൽ മുഴങ്ങിക്കൊണ്ടിരുന്നു.
ശംഭു വീട്ടിലെത്തിയപ്പോഴേക്കും മനസ്സിൽ വീണ കരട് അവനിൽ പൊട്ടിമുളക്കാൻ തുടങ്ങിയിരുന്നു.
*****************
തുടരും
ആൽബി