Posted by
” ദേവേട്ടാ, ഇത് ഞാനും ഒട്ടും പ്രതീക്ഷിച്ചില്ല ” താഴെ നിന്നും ആരതിയുടെ ശബ്ദം കേട്ടു. ആരോടോ സംസാരിക്കുകയാണ്. ഒപ്പം ആരുടെ ഒക്കെയോ കരച്ചിൽ കേൾക്കാം ഞാൻ താഴേക്ക് ഇറങ്ങി കണ്ട കാഴ്ച. സുധി, ദർശു അവരുടെ അമ്മ. അമ്മ ആരതിയുടെ അച്ഛനെ കെട്ടിപ്പിടിച് കരയുകയാണ്. ഞാൻ മൊത്തം വണ്ടർ അടിച്ചു താഴേക്ക് ഇറങ്ങി. എന്നെ കണ്ട് അവരും ഞെട്ടി.
” അജു ”
” ഏട്ടാ ”
സുധിയും ദർശുവും ഒരേ സമയം വിളിച്ചു. അന്നേരം അമ്മയും മുഖം ഉയർത്തി എന്നെ നോക്കി.
” ആഹ് പറഞ്ഞില്ലല്ലോ, മോളെ സുഭേ ഇതാണ് ആരതിയുടെ ഹസ്ബൻഡ്. അർജുൻ ” അച്ഛൻ അമ്മക്ക് എന്നെ പരിചയപ്പെടുത്തി.
അത് കേട്ടപ്പോ ശരിക്കും ഞെട്ടിയത് ദർശു ആണ്. അവളുടെ അവൾക് ആദ്യം ഒന്നും മനസ്സിലായില്ല, എന്നേം ആരതിയേയും മാറി മാറി നോക്കി. പിന്നെ അവളുടെ കണ്ണ് കലങ്ങി വീടിന്റ പുറത്തേക്ക് ഓടി.
” ദർശു ” എന്നും വിളിച്ചുകൊണ്ട് ഞാനും.
———————————————–
” ഏട്ടാ ” ആരോ കുലുക്കി വിളിച്ചപ്പോഴാണ് ഓർമ്മകളിൽ നിന്ന് ഞാൻ ഉണർന്നത്. ഞാൻ ചുറ്റും നോക്കി ഹോസ്പിറ്റലിൽ വെയ്റ്റിംഗ് ഏരിയ ആണ്. എന്നെ വിളിച്ചത് ദർശു ആണ്. ഞാൻ എന്താ എന്ന് ചോദിക്കും പോലെ അവളെ നോക്കി.
” ഡോക്ടർ വിളിക്കുന്നുണ്ട് ” ദർശു.
ആഹ് ആരതി. അവൾക്ക് എന്താണ് പറ്റിയത് എന്ന് അറിയണമല്ലോ. ഞാൻ എഴുന്നേറ്റു അവളുടെ ഒപ്പം ഡോക്ടറിന്റെ റൂമിലേക്ക് കേറി. ആരതി ഇപ്പോഴും അവിടെ പരിശോധിക്കുന്ന കട്ടിലിൽ മയക്കത്തിൽ ആണ്. അവളെ ഒന്ന് നോക്കിയിട്ട് ഡോക്ടർന്റെ മുന്നിലെ കസേരയിൽ ഞാനും ദർശുവും ഇരുന്നു.
” നിങ്ങൾ പേഷ്യന്റ്ന്റെ?? ” ഡോക്ടർ.
” ഞാൻ കസിൻ സിസ്റ്റർ ആണ് ദർശന, ഇത്.. ” ദർശു അവളെ പരിചയപ്പെടുത്തിയിട്ട് എന്റെ നേരെ തിരിഞ്ഞു.