Posted by
ഞാൻ വേറെ നോവർത്തിയില്ലാതെ സമ്മതം മൂളി.. ഇല്ലേൽ വരാൻ പോകുന്ന ഭാവിശ്യത്തുകൾ വളരെ വലുതായിരിക്കും
.
” അപ്പോപ്പിനെ ഞാൻ എന്താ വല്ല രണ്ടാങ്കെട്ടിലുള്ളതാണോ.. ഞാനും കൊണ്ടോകും ”
കൊച്ചുകുട്ടികൾ വാശിപിടിക്കണ പോലെ നില്ക്കാ ഏട്ടത്തി
” ആഹ്ഹ്…. കൊണ്ട് പൊക്കോ പെണ്ണുമ്പുള്ളെ… ”
” പ്ഫാ… പെണ്ണുമ്പുള്ള നിന്റെ മറ്റവള് ”
ഒരാട്ടലും ഒറ്റ ചിരിയും… ഇതിന് വട്ട് തന്നെ…. ദൈവമേ എന്റെ ഏട്ടൻ
” പിന്നെ ഡയറി മില്കിന്റെ കാര്യം മറക്കണ്ട.. അപ്പോ ഒക്കെ ഞാൻ ദാ വരണു ”
” അല്ല അപ്പൊ നിന്റെ മറ്റേ ബൈക്ക് എന്ത് ചെയ്യും ”
” അതിനല്ലേ നിങ്ങള് മനുഷ്യാ….”
” പോടാ ”
കേട്ടത് വിശ്വസിക്കാനാവാത്ത രീതിയിൽ എന്നെ നോക്കി നിന്ന ചേട്ടന് ഒരു കവർ വെച്ചുകൊടുത്തത് ചേട്ടത്തിയായിരുന്നു
” ഓ……എല്ലാരും അറിഞ്ഞോണ്ട് ആയിരുന്നോ…. ”
ആ സ്വരം ഒന്ന് ഇടറി.. കണ്ണുകളിൽ ചെറുനനവ്.. ഈ നിക്കണ മനുഷ്യന് എന്ത് കൊടുത്താലും എനിക്ക് മതിയാവില്ല…. അപ്പോ നിങ്ങൾ ഓർക്കും എന്തിനാ പഴയ ബൈക്ക് ഏട്ടന് കൊടുക്കണേ ഇത്രക്ക് ഇഷ്ടമാണക്കിൽ.. എടൊ… ആ ബൈക്ക് വാങ്ങിട്ട് മാസങ്ങളെ ആകുന്നുളൂ..
ഏട്ടനും ഏട്ടത്തിക്കും ഞാൻ എന്റെ കൊച്ചിനെ കൊടുക്കുമ്പോൾ ഒരു നോട്ടം അവളിലേക്ക് പോയി… എന്റെ ഹിമാലയ കുട്ടി.. ❤️❤️
രണ്ടും കൂടെ പുതിയ ബൈക്കിൽ കേറി ചുറ്റാൻ ഉള്ള പ്ലാൻ എടുക്കലായി.. Couple റൈഡർസ്ന്റെ ഇടക്ക് നമ്മള് പാവം സോളോ റൈഡർസനു എന്ത് കാര്യം.. ഏട്ടത്തിയും ബൈക്കോക്കെ നന്നായി ഓടിക്കും പുള്ളിക്കാരത്തി അച്ഛന്റെ ബുള്ളറ്റിനായിരുന്നു കോളേജിൽ പൊക്കൊണ്ടിരുന്നത്
” അതേ… അതിന്മേൽ കേറി തിരിക്കുന്ന പോലെ ഇതെല് തിരിക്കരുത്… പിന്നെ പത്രത്തിലും ചുവരിലും കാണേണ്ടി വരും രണ്ടിനേം… ”
ഹെൽമെറ്റ്‌ വെച്ച് ബൈക്കിൽ കേറിയ ഏട്ടനോട് ഞാൻ അത് പറഞ്ഞപ്പോ… മായാവിയിൽ സലിംഏട്ടൻ പറയുന്നത് പോലെ പോടാ… എന്നൊരു ആക്ഷൻ..