Posted by “ആഹ് മോളെ എങ്ങനെ വന്നെടി..”
“ബസ്സിൽ അമ്മ.. വേറെങ്ങനെ വരാനാ.. അവനു അവന്റെ അമ്മുമ്മയെ കാണാണ്ട് ഇരിക്കാൻ വയ്യല്ലോ.. കോളേജ്അടക്കുമ്പോൾ ഇങ്ങോട്ട് ഓടിക്കോളും ചെറുക്കൻ ” അമ്മ എന്നെനോക്കി ആക്കിയൊരു ചിരിയോടെ പറഞ്ഞു..
“അത് അങ്ങനെ ആണല്ലോ.. കിച്ചൂട്ടന് നിന്നെക്കാൾ സ്നേഹം എന്നോടാ അല്ലിയോടാ..?” അമ്മുമ്മ എന്നെനോക്കി ചോദിച്ചു..
സംഭവം ഉള്ളത് ആണേലും അമ്മയെ വിഷമിപ്പിക്കണ്ട എന്നുവിചാരിച്ചു ഞാനൊന്നും പറയാൻ നിന്നില്ല.
“ഒന്നും മിണ്ടാണ്ട് ഇളിച്ചോണ്ട് നിൽക്കണ നോക്ക് പോത്ത്.. എടാ ചെർക്കാ.. എന്നേക്കാൾ ഇച്ചിരി വലുത് ആണെന്ന് വെച്ച് നിനക്ക് പാല് തന്ന് വളർത്തിയത് ഇവരൊന്നുമല്ല കേട്ടാ.. ഈ ഞാനാ..” അമ്മ ചരിച്ചുകൊണ്ട് പറഞ്ഞു.
പിന്നെ അവിടെ കൂട്ടച്ചിരി ആയിരുന്നു. അമ്മയുടെ ഈ സംസാരം കേട്ടിട്ട് എനിക്ക് അത്ഭുതം ഒന്നും വന്നില്ല. കാരണം അമ്മേം അമ്മുമ്മേം ഇങ്ങനെ ആണ്. നല്ല ഫ്രണ്ട്‌സ് പോലെ ആണ് അവർ.
“ഹാ സതീ.. നീ വന്നോ… എങ്ങനെ വന്നു മോളെ..?” അപ്പൂപ്പന്റെ മാസ്സ് എൻട്രി വിത്ത്‌ സ്ഥിരം ക്‌ളീഷേ ഡയലോഗ്.
“ബസിൽ അച്ഛാ.. ഓട്ടോക്ക് വരാൻ ക്യാഷ് വേണ്ടേ..”
“നീ എന്തിനാ വരണേ.. അവനോട് ഒറ്റക്ക് ഇങ് വരാൻ പറഞ്ഞാൽ മതിയായിരുന്നല്ലോ.. ധാ കണ്ടില്ലേ പണ്ടത്തെപ്പോലെ ഒന്നുമല്ല.. വലുതായി പിള്ളേരൊക്കെ..” അപ്പുപ്പൻ എന്നെ ആകെ അടിമുടി നോക്കിയിട്ട് പറഞ്ഞു.
അപ്പുപ്പൻ പറഞ്ഞത് ശെരിയാണേലും എനിക്ക് ഒറ്റക്ക് വരാൻ ഒരു പേടി ആണ്. ഊഹിക്കാമല്ലോ.. അത്ര നിഷു ശൊട്ടേഷ്കുമാർ ആണ് ഞാൻ.!!
അങ്ങനെ കൊറേ നേരം വർത്തമാനം പറഞ്ഞും ആഹാരം കഴിച്ചും അവസാനം അമ്മ പോകാൻ ഇറങ്ങി. ആദ്യം ഇച്ചിരി വിഷമം ആയെങ്കിലും അമ്മുന്റെ കൂടെ അല്ലേ എന്നോർത്തപ്പോൾ അതിനേക്കാൾ ഇരട്ടി സന്തോഷം ആയി.
അങ്ങനെ വൈകുന്നേരം ഒരു 6മണി ആയിക്കാണും. ഞാൻ ടീവിയൽ ഒരു ഇംഗ്ലീഷ്ക പടവും ണ്ടുകൊണ്ട് കട്ടിലിൽ കിടക്കുവാണ്. അപ്പുപ്പൻ തൊട്ടപ്പുറത്തെ റൂമിൽ ഉറക്കം. നല്ല സുഖ ഉറക്കം. കുറച്ചു കഴിഞ്ഞതും അമ്മുമ്മ കുളിച്ചു തലയിൽ തോർത്തും കെട്ടി കേറി വന്നു..
“കിച്ചു.. ഏത് സമയവും ഇങ്ങനെ ടീവി കണ്ടാൽ കണ്ണ് അടിച്ചുപോകുമേ..” ഉപദേശം.. എനിക്ക് എന്നെ ആരും ഉപദേശിക്കുന്നത് എനിക്ക് ഇഷ്ടമല്ല. അമ്മയും അമ്മുമ്മയും ഒഴിച്ച്. അമ്മുമ്മയുടെ ആ ഉപദേശത്തിൽ തന്നെ ഒരു സ്നേഹമുണ്ട്..