പരിണയ സിദ്ധാന്തം 2 [അണലി]

 

‘എന്താ സാർ പ്രശ്നം… എന്താ മോളെ ‘ കൂടി നിന്ന ആൾക്കാരെ തള്ളി മാറ്റി രാധാകൃഷ്ണൻ സാർ അകത്തു കേറി ചോദിച്ചു..

 

‘പ്രശ്നം ഒന്നും സാറിനു ഇതെല്ലാം കണ്ടിട്ട് മനസ്സിലാകുന്നില്ലേ ‘ ആരോ പറഞ്ഞു..

 

രാധാകൃഷ്ണൻ സാർ ശ്രുതിയുടെ കൈയിലോട്ട് ഒന്ന് നോക്കി കരയാൻ തുടങ്ങി…

 

ശ്രുതിയുടെ കൈ വിറക്കുന്നുണ്ട്.. അവളും കരയുന്നു 😭

 

ദൈവമേ ഞാൻ ഇപ്പോൾ ഭൂമി തുളഞ്ഞു അങ്ങ് പാതാളത്തിലോട്ടു പോകണേ…

അല്ലേൽ നിൽക്കുന്ന നിൽപ്പിൽ ടൈം ട്രാവൽ ചെയ്തു വേറെ ഏതേലും പാരല്ലൽ യൂണിവേഴ്സിറ്റിയിൽ ചെല്ലണെ..

 

ഞാൻ എന്തെക്കെയാ ഈ ചിന്തിക്കുന്നെ 🥴

 

നിലാ മിസ്സിന്റെ കാറിച്ച കേട്ടപ്പോൾ ഞാൻ ഒളികണിട്ടു അങ്ങോട്ട്‌ ഒന്ന് നോക്കി 🙄

മിസ്സ്‌ ഓടി വന്ന് ശ്രുതിയുടെ തോളിൽ രണ്ട് ഇടി ഇടിച്ചു ‘എന്തിനാടി നീ ഞങ്ങളോട് ഈ ചതി ചെയ്തേ ‘ അതും പറഞ്ഞു നിലാ മിസ്സ്‌ തല കറങ്ങി നിലത്തോട്ടു വീണു 😲

ശ്രുതി പിടിക്കാൻ നോക്കിയെങ്കിലും മിസ്സ്‌ പുറകോട്ട് മറിഞ്ഞു..

 

ആരെക്കെയോ കൂടി മിസ്സിനെ പിടിച്ചു എഴുനേൽപ്പിച്ചു പുറത്തോട്ടു കൊണ്ടുപോയി..

ശ്രുതി എങ്ങൽ അടിച്ചു കരയുകയാണ്..

ഇനി ഇതെല്ലാം ഒരു സ്വപ്നം ആണോ? ആകണേ എന്ന് പ്രാർത്ഥിച്ചു ഞാൻ കണ്ണടച്ച് നിന്നു 😴

ആരോ എന്നെ പിടിച്ചു തള്ളി.. ഞാൻ കുണ്ടി കുത്തി നിലത്ത് ഇരുന്നു… നല്ല വേദന… ഒന്നും സ്വപ്നം അല്ലാ… 😥

 

ഞാൻ ജനാലയുടെ അരിക്കിൽ നിൽക്കുന്ന ആൾക്കൂട്ടത്തിൽ തിരഞ്ഞു…

എന്നെ നോക്കി കരയുന്ന രേഷ്മയെ കണ്ടപ്പോൾ ഞാൻ വീണ്ടും കണ്ണ് താഴ്ത്തി, കൈ കുത്തി എഴുന്നേറ്റു..

 

വീണ്ടും ആരോ എന്നെ അടിക്കാൻ കൈ ഓങ്ങി എങ്കിലും ഹരി സാർ വന്ന് അയാളെ പിടിച്ചു മാറ്റി എനിക്ക് മുൻപ്പിൽ ഒരു മറ തീർത്തു… അപ്പോൾ തന്നെ കാൽ തളർന്നു വീഴാൻ തുടങ്ങിയ എന്നെ അഖിൽ ഓടി വന്ന് വട്ടം പിടിച്ചു..

അഖിലിനേം, പുറകെ വന്ന ഗ്ലാഡ്വിനേം കണ്ടപ്പോൾ ആണ് എന്റെ പോയ ജീവൻ തിരിച്ചു വന്നത് 🦸‍♂️🦸‍♂️