Posted by ആടി.. എന്ന ശരി പിന്നെ കാണാം എന്നും പറഞ്ഞുകൊണ്ട് സിന്ധു കടയിലേക്ക് നടന്നു.
സിന്ധു… മായ വീണ്ടും പുറകിൽനിന്നും വിളിച്ചു. സിന്ധു തിരിഞ്ഞ് ചോദ്യഭാവത്തിൽ മായയെ നോക്കി.
നീ… രഘുവേട്ടന്റെ കടയിലേക്കണോ പോവുന്നത്. മായ മുഖം ചുളിച്ച് സിന്ധുവിനോട് ചോദിച്ചു.
അതെ…. അവൾ മറുപടി കൊടുത്തു. അതേയ് ഒരു സംഭവം ഉണ്ട്. മായ ചുറ്റുപാടും ഒന്ന് വീക്ഷിച്ചതിനുശേഷം പതിയെ പറഞ്ഞു.
മായയുടെ ആ പ്രവർത്തിയിൽ നിന്നു തന്നെ എന്തോ പന്തി അല്ലാത്ത കാര്യമാണ് അവൾ
തന്നോട് പറയാൻ പോവുന്നത് എന്ന് സിന്ധുവിന് മനസ്സിലായി.
സിന്ധു മായയോട് എന്താ എന്ന് കൈകൊണ്ട് ആംഗ്യത്തിൽ ചോദിച്ചു.
ഡി…. മായേ….
ഇവൾ ഇതെവിടെ പോയി കിടക്കുവാ. മായയുടെ വീട്ടിൽ നിന്നും ഉച്ചതിലുള്ള സൗണ്ട് കേട്ടു. ആ ശബ്ദത്തിൽ അവളോടുള്ള എല്ലാ ഇർഷായും ഉണ്ടായിരുന്നു.
ഈ.. തള്ളക്ക് ഇതെന്തിന്റെ കേടാ… മായ ദേഷ്യം നിറഞ്ഞ മുഖത്തോടെ സിന്ധുവിനെ നോക്കി പിറുപിറുത്തു.
ഡി…. നീ ഇവിടെ കിന്നാരം പറഞ്ഞോണ്ടിരിക്കണോ… മായയുടെ അമ്മായിയമ്മ വിലാസിനി പുറത്തേക് ഇറങ്ങിവന്നുകൊണ്ട് മായയെയും സിന്ധുവിനെയും മാറി മാറി നോക്കികൊണ്ട് പറഞ്ഞു.
അടുപ്പത് വെള്ളം തിളച്ച് മറിയുന്നു. നീ ഇവിടെ നിന്ന് കിന്നാരം പറയാ. അതിനെങ്ങനാ നിനക്ക് ഗ്യാസിന്റെ വില ഒന്നും അറിയേണ്ടലോ. എന്റെ മോൻ കഷ്ടപെടുന്ന പൈസ മുഴുവൻ നിനക്ക് ദൂർതടിച്ച് കളയാനുള്ളതല്ല.
തള്ള നിന്ന് ചീറി.
മായേ… എന്ന ഞാൻ ചെലട്ടെ.. പിന്നെ കാണാം എന്നും പറഞ്ഞ് സിന്ധു അവിടെനിന്നും തടിതപ്പി.