🔥ഏദൻ തോട്ടത്തിന്റെ കാവൽക്കാരൻ 15🔥[സഞ്ജു സേന]

ആരും ശല്യപ്പെടുത്താനും പോകുന്നില്ല .. വന്ന കാര്യം സംസാരിച്ചിട്ട് ഞാൻ പെട്ടെന്ന് പോയേക്കാം ,, ”

”തിരക്കൊന്നും വേണ്ടെടി ,കട്ടിലിൽ മൂന്നാൾക്കുമുള്ള സ്ഥലമുണ്ട് ..”

” അയ്യോ വേണ്ട..ഇന്നൊരു കലാപരിപാടി കഴിഞ്ഞതിന്റെ ക്ഷീണം മാറിയിട്ടില്ല…..”

”അവൻ ? ….”

”ഉം….. അതെ..”

ഇരുവരുടെയും മുഖത്ത് ഭയം കടന്നു വരുന്നത് ഞാൻ ശ്രദ്ധിച്ചു

”അർജുൻ ഇരിക്ക്.. കാര്യങ്ങൾ എല്ലാം നേരത്തെ ജയ വിളിച്ചു പറഞ്ഞു..കാലുപിടിച്ചു പറയുകയാണ് അവനെ വിട്ടേക്ക്,, ”

ഞാൻ രൂക്ഷമായി ചെറിയമ്മയെ നോക്കി ,ഞങ്ങൾക്ക് മാത്രമറിയാവുന്ന രഹസ്യം അവർ ….

”അർജുൻ ,വേറെ വഴിയില്ലാത്തതു കൊണ്ടാണ് , വൈത്തിയെ തേടി അവന്റെ ആളുകൾ അവസാനം എത്തി നിൽക്കുന്നത് ഇവളുടെ അടുത്താണ് ,അവിടുന്ന് എന്നിലേക്ക് അധികദൂരമില്ല ,,..നോക്ക് അർജുൻ ,ഞങ്ങൾ രണ്ടു പെണ്ണുങ്ങൾക്ക് എത്ര നേരം അവരുടെ മുന്നിൽ പിടിച്ചു നിൽക്കാൻ പറ്റും ,, ഇവരെ നോക്ക് ഇന്ന് ഇവര്ഡ്ഡ് ഷോപ്പിൽ നിന്നാണ് ചോദ്യം ചെയ്യാനായി പിടിച്ചു കൊണ്ട് പോയത്..എന്നിട്ട്? എന്നിട്ടെന്താ കിട്ടിയ അവസരം അവർ ശരിക്കും ഉപയോഗിച്ച് , വൈത്തിയുണ്ടായിരുന്നപ്പോൾ ഭയ ഭക്തിയോടെ നിന്നവർ ഇന്നവളെ , …”

ചെറിയമ്മ അടുത്തേക്ക് വന്നു എന്റെ തോളത്തു കൈവച്ചു .

”അർജുൻ , ….”

മാലിനിയും സോഫയിൽ നിന്നെഴുന്നേറ്റു എന്റെ അടുക്കലേക്ക് വന്നു …

”ജയ പറഞ്ഞത് ശരിയാണ് , സംശയം ഞങ്ങളുടെ നേരെ തന്നെയാണ്… അറിയുമോ നിനക്ക് ,വൈത്തി ഏറ്റവുമധികം ഉപയോഗിച്ചിരുന്നത് ഞങ്ങളെ രണ്ടു പേരെയുമാണ് ,അത് കൊണ്ട് എന്തെങ്കിലും സംഭവിച്ചിട്ടുണ്ടെങ്കിൽ ഞങ്ങളറിയാതെയിരിക്കില്ല എന്നാണവർ പറയുന്നത് ., അരുൺ തിരിച്ചു വരും മുന്നേ എന്തെങ്കിലുമറിവുണ്ടെങ്കിൽ പറഞ്ഞു രക്ഷപെടാൻ നോക്കാനാണ് ഖാലിദ് പറഞ്ഞിരിക്കുന്നതു , അവനെന്നോട് കുറച്ചു താൽപ്പര്യമുള്ളതിന്റെ ഒറ്റ ആനുകൂല്യത്തിലാണ് ഞാനും രണ്ടും മക്കളും ജീവനോടെ ഇരിക്കുന്നത്.പക്ഷെ അരുൺ വന്നാൽ പിന്നെ…അവനുമാകില്ല രക്ഷിക്കാൻ , അത് കൊണ്ടാണ് …., കാല് പിടിക്കാം , അവനെ വിട്ടേക്ക് ,, ”

” ഇന്നലെ രാത്രിയിൽ ഏതോ ഹൈവേയിൽ അവസാനിച്ചവനെ ഞാൻ എങ്ങനെ തിരിച്ചു കൊണ്ട് വന്നു തരും…”

” അർജുൻ..? ”

രണ്ടാളും കേട്ടത് വിശ്വസിക്കാനാകാതെ ഞെട്ടി പരസ്പരം നോക്കി ,. വീഴാതിരിക്കാൻ മാലിനി കസേരപ്പിടിയിൽ കൈ അമർത്തി പിടിക്കുന്നത് കണ്ടു..

”അർജുൻ, മോനെ..”

ചെറിയമ്മ കിലുകിലെ വിറച്ചു കൊണ്ട് എന്നെ വട്ടം പിടിച്ചിരിക്കുകയുമാണ് ..