🔥ഏദൻ തോട്ടത്തിന്റെ കാവൽക്കാരൻ 15🔥[സഞ്ജു സേന]

അരുണിന്റെ ആളുകളുടെ കണ്ണ് വെട്ടിച്ചു ….ആ ഇത് വരെ ആയില്ലേ ,എന്തെങ്കിലും വഴി കാണാത്തരിക്കില്ല … ഇടയ്ക്ക് പ്രിയ വിളിച്ചു എന്തായി എന്നറിയാൻ ,, അവരും എന്നെ പോലെ പിരിമുറുക്കത്തിൽ ആണെന്ന് ചോദ്യം കേട്ടപ്പോൾ തന്നെ മനസ്സിലായി.. ഛെ…… ഉമ്മച്ചിയുടെ അടുത്ത് നിന്നാൽ മതിയായിരുന്നു, ഇതിപ്പോൾ കാര്യങ്ങൾ അറിയാനും കഴിയുന്നില്ല ,,

”അർജുൻ ..എന്താ ഉറക്കമാണോ ?”

ജയചെറിയമ്മ …

”.എയ് ,വെറുതെ കിടന്നതാ ….. ”

”എഴുന്നേൽക്കേണ്ട കിടന്നോ …..”

അതും പറഞ്ഞവർ പുറത്തു ആരെങ്കിലുമുണ്ടൊന്നു തലയിട്ടു നോക്കിയാ ശേഷം വാതിൽ കുറ്റിയിട്ടു,,

”എയ് എന്തായിത്? എന്തിനാ …”

ഞാൻ പെട്ടെന്ന് കട്ടിലിൽ നിന്നു ചാടിയെഴുന്നേറ്റു,,

”ഒച്ചയുണ്ടാക്കല്ലേ അർജുൻ, ആരെങ്കിലും കേട്ടാൽ ഞാൻ നിന്നെ എന്തോ ചെയ്യാൻ പോവുകയാണാണ് കരുതും.. ”

അവർ ചിരിച്ചു കൊണ്ട് കട്ടിലിനടുത്തേക്ക് വന്നു ..

”ചെറിയമ്മ ,പ്ലീസ് ഞാൻ കുറച്ചു നേരം ഒന്ന് കിടന്നോട്ടെ..”

”കിടന്നോ, ഞാൻ ശല്യപ്പെടുത്തുന്നില്ല , എനിക്കൊരു കാര്യം അറിഞ്ഞാൽ മതി……..”

അവർ എന്റെ കണ്ണുകളിലേക്ക് തന്നെ ഉറ്റുനോക്കി അടുത്തിരുന്നു ..

”വൈത്തിയെ നിങ്ങൾ എങ്ങോട്ടാണ് മാറ്റിയത് ? ”

”അത് കുറച്ചു ദൂരെക്കാണ് ,, ”

”ദൂരെ.. ..എന്താ ആ സ്ഥലത്തിന് പേരില്ലേ , ?”

”അതൊന്നും ചെറിയമ്മ അറിയേണ്ട.. ”

”അർജുൻ, ഇതു പിള്ളേരു കളിയല്ല,.അവന്റെ ആളുകൾ രണ്ടു മൂന്നു തവണ എന്നെ വിളിച്ചിരുന്നു.. ”

”എന്നിട്ട് ചെറിയയെന്തുപറഞ്ഞു …? ,,”

” എന്റെ അടുത്ത് വന്നു പെട്ടെന്ന് തന്നെ പോയീന്നു പറഞ്ഞു , നോക്ക് അർജുൻ എസ്.ഐ സോമരാജന് കാര്യങ്ങൾ അറിയാം, അയാളെന്തെങ്കിലും വിട്ടു പറഞ്ഞാൽ ഞാനും നീയുമെല്ലാം പെടും..”

” അതോർത്തു ചെറിയമ്മ പേടിക്കേണ്ടഅയാൾ വാ തുറക്കില്ല , ”

”നോക്ക് മോനെ, അവനെ വിട്ടേക്ക് , ഓരോന്ന് ഓർത്തു എനിക്ക് കയ്യും കാലും വിറച്ചിട്ടു വയ്യ, അതാ നീ ഇങ്ങോട്ട് കയറുന്നതു കണ്ടു പിന്നാലെ വന്നത്,, ”

”അതോ കാമുകനെ ഓർത്തു ഇരിപ്പുറയ്ക്കാത്തതു കൊണ്ടോ, ”