🔥ഏദൻ തോട്ടത്തിന്റെ കാവൽക്കാരൻ 15🔥[സഞ്ജു സേന]

”നിന്റെ ചെറിയമ്മായി ഇപ്പൊ വരും ,ഈ സീൻ കണ്ടാൽ ഇന്ന് തന്നെ എന്റെ ഇവിടുത്തെ പൊറുതി പുള്ളിക്കാരത്തി അവസാനിപ്പിക്കും …”

”അത് ശരിയാണ് ,പക്ഷെ ഇറക്കി വിടില്ല ,എന്റെ അമ്മയെ വിളിച്ചു മരുമോളെ കൂട്ടിക്കൊണ്ടു പോകാൻ പറയും …”

”അതെ ,എനിക്കറിയാം ,പക്ഷെ അതാണ് ഇപ്പൊ എന്നെ അലട്ടുന്നതും ,ഞാൻ അതിനു പറ്റിയൊരു പെൺകുട്ടിയല്ല അർജുൻ ,”

”അത് ഞങ്ങളല്ലേ തീരുമാനിക്കേണ്ടത് …”

”ഇല്ല അർജുൻ ,ഞാൻ നേരത്തെ പറഞ്ഞില്ലേ ,,,”

”സമീറ ….”

കല്യാണിയമ്മ പുറത്തേക്ക് വരുന്നത് കണ്ടു ഞാൻ പറയാൻ വന്ന വാക്കുകളെ വിഴുങ്ങി …

”പോയിട്ട് വരാം…..”

”ഉം ,ശ്രദ്ധിക്കണം ..”

”ഉം …..”

കല്യാണിയമ്മ കാണാതെ അവളുടെ കവിളിൽ ഒന്ന് തട്ടി ,ഞാൻ ബൈക്ക് മുന്നോട്ടെടുത്തു ,,,,ഗേറ്റ് കടക്കുമ്പോൾ ഒന്ന് സ്ലോ ചെയ്തു ഒന്ന് തിരിഞ്ഞു നോക്കി ,,,,,എന്നെ തന്നെ നോക്കി അതെ നിൽപ്പിലാണ് അവൾ ….

തറവാട്ടിൽ ആരൊക്കെയോ വന്നിട്ടുണ്ട്.. അളിയൻറെ അച്ഛനും അമ്മയുമൊക്കെയാണ്,, കൂടാതെ വേറെയും ബന്ധുക്കളുണ്ട് ..കുടുംബക്ഷേത്രതിലെ പൂജയുമായി ബന്ധപ്പെട്ടു വന്നതാണ് ,അത് ഭാഗ്യമായി ആരുടേയും ശ്രദ്ധയിൽ പെടാതെ മുറിയിലെത്തി ..ഡ്രെസ്സൊക്കെ മാറ്റി ,കുറച്ചു നേരം കിടക്കണമെന്നുണ്ട് ,പക്ഷെ പിള്ളേരുടെ ഒച്ചപ്പാട് ,പോയി എല്ലാത്തിനും നല്ല തല്ലുകൊടുത്താലോ എന്ന് വരെ ചിന്തിച്ചു പോയി ….പിന്നെ അടങ്ങി ,ഏതു സമയത്തും പുറത്തേക്ക് പോകേണ്ടി വരും ,പിള്ളേരോട് ഒച്ചയുണ്ടാക്കി എല്ലാവരുടെയും ശ്രദ്ധയിൽ പെട്ടാൽ പിന്നെ ലോക്കാകും ….

കുറെ നേരമായി വെറുതെ ക്ലോക്കിൽ നോക്കി കിടക്കുന്നു ,ബാലേട്ടൻ ഇങ്ങോട്ടു വിളിക്കാമെന്നാണ് പറഞ്ഞിരിക്കുന്നത് ,മനസ്സ് മുഴുവൻ ആലീസിന്റെ വീട്ടിലാണ് ,ആളെ കണ്ടെത്തി ,ഇനി അകത്തു കയറി പൊക്കാൻ ,അതും അരുണിന്റെ ആളുകളുടെ കണ്ണ് വെട്ടിച്ചു ….ആ ഇത് വരെ ആയില്ലേ ,എന്തെങ്കിലും വഴി കാണാത്തരിക്കില്ല … ഇടയ്ക്ക് പ്രിയ വിളിച്ചു എന്തായി എന്നറിയാൻ ,, അവരും എന്നെ പോലെ പിരിമുറുക്കത്തിൽ ആണെന്ന് ചോദ്യം കേട്ടപ്പോൾ തന്നെ മനസ്സിലായി.. ഛെ…… ഉമ്മച്ചിയുടെ അടുത്ത് നിന്നാൽ