🔥ഏദൻ തോട്ടത്തിന്റെ കാവൽക്കാരൻ 15🔥[സഞ്ജു സേന]

”എന്തെ നേരത്തെ പോന്നത് ….”

”ഒന്നൂല്ലാ ,ആകെയൊരു ….”

”പരീക്ഷ അടുക്കാറായില്ലേ …”

”അത് ഇയാൾക്കും ബാധകമല്ലേ …”

”അത് ….”

അവൾ എന്റെ കണ്ണുകളിലേക്ക് തന്നെ നോക്കി നിൽക്കുകയാണ് ,ഫാനിന്റെ കാറ്റിൽ ഇളകുന്ന ചുരുണ്ട മുടിയിഴകളെ ഒരു നിമിഷമൊന്നു മാടിയൊതുക്കണമെന്നു തോന്നി പോയി ,ചെയ്യാനുള്ള സ്വാതന്ത്ര്യമുണ്ട് പക്ഷെ ആ തറഞ്ഞു കയറുന്ന നോട്ടത്തിനു മുന്നിൽ മനസ്സ് പതറുന്നു …വേഗമവളുടെ കയ്യിൽ നിന്ന് ഷർട്ട് വാങ്ങി ധരിച്ചു പുറത്തേക്കിറങ്ങി ബൈക്ക് സ്റ്റാർട്ട് ചെയ്തു ….

”അർജുൻ …..”

അവൾ അടുത്തേക്ക് വരുന്നത് കണ്ടു വണ്ടി ഓഫാക്കി ..

”നീ നല്ല കുട്ടിയാ ,നല്ലൊരു കുടുംബമുണ്ട് ……ഉപദേശിക്കാനുള്ള അർഹതയും അധികാരവും എനിക്കില്ല എങ്കിലും …..”

”സമീറ ….അത് ? ”

”എനിക്കറിയാം സംഭവിച്ചു പോകുന്നതാണ് ,എങ്കിലും ..”

”സമീറ സോറി ………”

ഞാനവളുടെ വലതു കൈ കവർന്നെടുത്തു ……

”സോറിയോ എന്തിനു …? ഞാൻ പറഞ്ഞൂന്നേയുള്ളു അർജുൻ …നിന്നെ ജീവനേക്കാൾ സ്നേഹിക്കുന്ന കുറച്ചു പേരില്ലേ ഇവിടെ ,ഇപ്പോഴത്തെ ഓട്ടവും പാച്ചിലും കഴിഞ്ഞാൽ ജീവിതം അവരിലേക്ക് ചുരുക്കണം …”

” ആ കുറച്ചു പേരിൽ സമീറയുമുണ്ടാകില്ലേ ?”

”അത് ഞാൻ നേരത്തെ പറഞ്ഞിട്ടുണ്ടല്ലോ ,സ്വന്തമായി ഒരു ജോലി ,വരുമാനം ,കിടക്കാനൊരു കൊച്ചു മുറി ,അതിലെനിക്ക് കിടക്കാനിടുന്ന പായയിൽ നിനക്ക് കിടക്കാനുള്ളരിടം ഞാനെന്നും ഒഴിച്ചിടും …”

”സമീറ ….?”

”ഇതിൽ കൂടുതൽ പറയാനെനിക്കറിയില്ല അർജുൻ …..”

ഞാനവളുടെ തിളങ്ങുന്ന കണ്ണുകളിലേക്ക് തന്നെ നോക്കി ,ഇപ്പൊ എന്റെ ഉമ്മച്ചിക്കുട്ടിക്ക് മൊഞ്ച് കുറച്ചു കൂടിയ പോലെ ……മൂക്കിന് താഴെയുള്ള സ്വർണവർണ്ണമുള്ള നനുത്ത രോമങ്ങളിൽ ഒന്ന് വിരലോടിച്ചു അധരങ്ങളിൽ ഒന്ന് മുത്താൻ കൊതിയാകുന്നു ..

”പോയിട്ട് വാടാ ……”

അവൾ കുസൃതി ചിരിയോടെ എന്റെ കൈ തട്ടിക്കളഞ്ഞിട്ടു പിന്നോക്കം മാറി ..

”സമീറ ….”