Posted by മുറ്റത്ത് അമ്മാവൻ്റെ അംബാസിഡർ കാർ കിടക്കുന്നത് കണ്ടപ്പോൾ തന്നെ അമ്മാവൻ വന്നിട്ടുണ്ട് എന്ന് മനസ്സിലായി..
അച്ഛൻ്റെയും ചെട്ടൻ്റെയും ചെരുപ്പും പുറത്ത് തന്നെ കിടപ്പുണ്ട്…
അപ്പോ എല്ലാവരും ഉള്ളിൽ തന്നെ ഉണ്ട്..
അടിപൊളി…
ഓട്ടോയുടെ ശബ്ദം കേട്ടിട്ട് ആണെന്ന് തോന്നുന്നു…
ഓരോരുത്തരും പുറത്തേക്ക് വരാൻ തുടങ്ങി…
ആതിര ഒരു കൂസലും ഇല്ലാതെ അകത്തേക്ക് കയറി പോയി…
പക്ഷേ എനിക്ക് ഉള്ളിൽ ചെറിയ ഒരു ഭയം ഉണ്ടായിരുന്നു..
എല്ലാം അവർ അറിഞ്ഞിട്ടുണ്ട് എങ്കിൽ ഒരു പുകില് ഉറപ്പാണ്…
ആതിര കയറി ചെന്നതും അമ്മാവനും അമ്മയും എല്ലാം അവളെ വിളിച്ച് ഇരുത്തി വിശേഷം ഒക്കെ ചോദിക്കാൻ തുടങ്ങി…
ഞാൻ നൈസ് ആയിട്ട് അകത്തേക്ക് വലിയാൻ ഉള്ള പരിപാടി ആയിരുന്നു പക്ഷേ അമ്മ പൊക്കി…
“ടാ.. നീ ഇത് എങ്ങോട്ടാ കയറി പോകുന്നത്.. ഇവിടെ ഇത്രേം ആൾക്കാർ ഇരിക്കുന്നത് നീ കണ്ടില്ലേ..”
“അത്.. അമ്മെ.. ഞാൻ ലേശം വെള്ളം കുടിക്കാൻ…”
“ഹും..ഹും… നിൻ്റെ ബാഗ് ഒക്കെ എവിടെ..??”
“അത് അമ്മെ. ഞാൻ ഓഫീസീന്ന് പെട്ടന്ന് ഇറങ്ങിയത് കൊണ്ട് എടുക്കാൻ പറ്റിയില്ല…”
ഉടൻ തന്നെ അമ്മാവൻ്റെ ചോദ്യം വന്നു…
“ഞാൻ വിളിച്ചപ്പോൾ നീ ലീവ് കിട്ടാൻ ഒക്കെ വലിയ ബുദ്ധിമുട്ടാണ് എന്നല്ലേ പറഞ്ഞത്..??”
“അതെ.. പക്ഷേ മുന്നേ വന്ന ഒരു പ്രോജക്ട് കാൻസൽ ആയി പോയി അമ്മാവാ… അങ്ങനെ ലീവ് കിട്ടിയതാണ്…”